Azamat Abduraimov boshchiligidagi O'zbekiston o'smirlar terma jamoasiga nomzod futbolchilar Toshkentda yig'in o'tkazishdi
02 may 2018 21:27
Yangiliklar

Azamat Abduraimov boshchiligidagi O'zbekiston o'smirlar terma jamoasiga nomzod futbolchilar Toshkentda yig'in o'tkazishdi

O'zbekiston futbol associaciyasi tomonidan O'zbekistonning turli yoshdagi terma jamoalari uchun yig'inlar o'tkazish va bo'lajak musobaqalarga munosib tayyorgarlik ko'rishlari uchun barcha shart-sharoitlar yaratib berilmoqda.

Jumladan, O'zbekiston o'smirlar terma jamoasiga nomzod futbolchilar o'rtasida 28 apreldan 2 may kuniga qadar “CHig'atoy” sport bazasida o'quv-mashg'ulot yig'inlari o'tkazildi. Ushbu yig'in davomida murabbiylar shtabi 2004 yilda tug'ilgan yosh futbolchilarning maydondagi fikrlash qobiliyatini, texnik-taktik imkoniyatlarini ko'zdan kechirishdi, yuzaga kelgan kamchiliklar tahlil qilinib, tegishli ko'rsatmalar berildi.

Yig'in doirasida ikkita nazorat uchrashuvi tashkil qilindi. Bunyodkor stadionida bo'lib o'tgan ushbu o'yinlarda Azamat Abduraimov shogirdlari 2003 yilda tug'ilgan “Spartak” jamoasi futbolchilarini 3:1 hisobida, hamda shu yilda tug'ilgan “Bunyodkor” jamoasi azolarini 3:2 hisobida mag'lubiyatga uchratdilar.

Bunday o'quv-mashg'ulot yig'inlarini yil davomida muntazam o'tkazib borish rejalashtirilgan.