“AZ Alkmar” mamlakat chempionati muddatidan oldin tugatilganidan norozi

“Biz ayni paytda tushib qolgan holatdan chiqib ketish maqsadida bir qator variantlar ustida bosh qotirgandik. Biz uyushma rahbariyatiga pley off bahslari orqali mamlakat chempioni nomiga aniqlik kiritib, evrokuboklarda ishtirok etuvchi jamoalar nomiga ham oydinlik kiritilishi taklifini bildirgandik. Ammo bizning takliflarimiz javobsiz qoldi”, deya o'z fikrlarini bildirib o'tdi Eynxoorn.

Niderlandiya Qirolligi futbol uyushmasi mamlakat chempionati bahslarini muddatidan oldin tugatish haqida qaror qabul qildi. Uyushmaning bu taxlit qaror qabul qilishiga mamlakat rahbariyatining 1 sentyabrga qadar ushbu yurt stadionlarida professional futbol uchrashuvlarini o'tkazishni taqiqlash haqidagi qarori sabab bo'lgan. Yaqin vaqt ichida uyushma UEFA bilan bu borada ham maslahatlashib olishi ko'zda tutilgan.