Ayollar futboli shunchalik nochor ahvoldami?

Bugun ish yuzasidan bir stadionga bordim. Yarim maydonda, Toshkent klubiga tegishli ayollar jamoasi mashg'ulot o'tkazayapti. CHetda klubga dahldor ikki ayolni gapi eshitilib turibdi.

- Men aytayapman bularga choy ichib kellaring deb, ammo puli yo'q.
- Ayollarda bu qiyinroq, erkaklar chidamli bo'ladi. Bular uyida choy ichmasa, klub xabar olmasa, olayotgan 500 000 so'mini nimaga ishlatadi? Hozir issiqda mashg'ulot o'tkazishayapti. Bir nima bo'lsa bolasiga kim qaraydi?
- SHuni klubga aytaylik?
- Foydasi yo'q, yilda bir mukofot puli beradi, u ham 8 mart uchun, 100 000 so'm. Ana (allakmini aytdi) farzandi bor, eri yo'q. SHu pul bilan oila boqib bo'larkanmi?

Mashg'ulot tugadi. Murabbiy barcha qizlarni to'pladi va elon qildi.
Erta indin plastikka maosh tushadi. Har mashg'ulotga bir kishi 1kg shakar olib kelsin. SHakar necha pul o'zi?
Har tomonda ovoz. 4500 so'm... 5000 so'm...
Xullas, shakar olib kelish bo'yicha navbatchi tayinlandi.

Xo'jako'rsinga ayollar futbolini tuzishdan maqsad nima? U erda onalar o'ynayapti axir... Barchasini qo'li shirindir, ayrimlari chevardir. Undan ko'ra shu ish bilan shug'ullanib, sborma sbor yurmasdan oila tarbiyasi bilan shug'ullanishsa bo'larmidi...

Yoki o'sha klublar masuliyatni his qilib sharoit qilib berarmidi, hech bo'lmasa shakarini olib bersin...

Nodirxo'ja Yuldashev
Telegramdagi kanal @nadirkhuja