Ayollar futboli. O'zbekiston kubogida hangoma

Gap shundaki, Farg'onada bo'lib o'tgan o'yinda 2:0 hisobida mezbonlar g'alaba qozongan. Javob o'yinida "Qo'qon-1912" jamoasi mehmonlar darvozasiga 2ta to'p kiritgan.

Ikki jamoa bir xil hisobda g'alaba qozonganidan keyin uchrashuv bosh hakami I.Ismoilov va nazoratchi I. Rahimovning boshi qotadi. CHunki, ayollar futbolidagi reglamentda quyidagi band bor.

2.3. CHempionat Uzbekistana sredi jenskix klubov (komand) provoditsya na osnovanii nastoyashhego Reglamenta.
2.4. Pervenstvo, Kubok, Festivali, Superkubok po futbolu sredi jenskix futbolnyx klubov (komand) Uzbekistana provodyatsya na osnovanii dopolnitelnyx polojeniy, razrabotannyx FFU i PFLUz.

Yani, kubok o'yinlari uchun qo'shimcha nizom ishlab chiqish kerak. Lekin hakamlarning qilgan murojaatiga ko'ra, qo'shimcha nizom ishlab chiqilmagani haqida javobni olishgan. Natijada o'yinga qo'shimcha daqiqalar qo'shilgan. Qo'shimcha daqiqa esa 1:1 hisobida yakuniga etgan. Bunday holda nima bo'ladi, penaltimi yoki mehmonda urilgan gol qoidasi?

Hakam o'yinni to'xtatadi, "Neftchi" g'olib sifatida ortga ketadi. Lekin uchrashuv nazoratchisi o'ylab qoladi, yana telefon... Allaqachon yo'lga chiqib bo'lgan "Neftchi" vakillariga qo'ng'iroq qilishadi va to'xtab turishni aytishadi. Ancha vaqtdan keyin yana qo'ng'iroq, ketaveringlar. Hangoma, to'g'rimi?

Biz boshqa musobaqalarni sinchiklab o'rganib chiqdik, qaerdadir safardagi gol qoidasiga amal qilishsa, yana qaerdadir penalti belgilinar ekan. Ayrim davlatlarda esa ayollar futboliga qo'shimcha daqiqa qo'shmasdan, navbat penaltilarga beriladi.

Lekin, qanday qilib PFL o'zi o'tkazyotgan musobaqaga nizom ishlab chiqmagani qiziq.