Australian AP muxbiri: "Eldor SHomurodov musobaqa syurprizlaridan biri"
18 jan 2019 19:59
Yangiliklar
![](https://championat.asia/upload/storage/473071_original.jpg)
![](/upload/storage/473071_220.jpg)
Australian AP muxbiri: "Eldor SHomurodov musobaqa syurprizlaridan biri"
Osiyo Kubogida muvaffaqiyatli odimini davom ettirayotgan O'zbekiston milliy terma jamoasi 1/8 finalda Avstraliya bilan kuch sinashadi. Bu o'yin juda katta ahamiyatga ega bo'ladi. Kecha Al Ayndagi "Xalifa bin Zayed" stadionida kechgan O'zbekiston - Yaponiya uchrashuvini avstraliyalik jurnalistlar ham diqqat bilan kuzatib borishdi.
Bahs yakuniga etib bizning Avstraliyaga qarshi o'ynashimiz rasman malum bo'lgach, Australian Associated Press muxbiri Ed Jekson bilan qisqacha suhbat qurdik.
- O'zbekiston - Yaponiya bahsi qanday taassurot qoldirdi?
- Bu o'yinni biz ham diqqat bilan kuzatdik. CHunki guruhda ikkinchi o'rinni qo'lga kiritgan jamoa keyingi bosqichda bizga raqib bo'lardi. Menga O'zbekiston terma jamoasining o'yini yoqdi. Ayniqsa 14-raqamdagi Eldor SHomurodov musobaqa syurprizlaridan biri deya olaman. SHuningdek, bu uchrashuvda maydonga tushmagan Odil Ahmedovni ham yaxshi bilamiz. U bilan jamoa yanada kuchli ko'rinish oladi.
- Terma jamoamiz bosh murabbiyi Ektor Kuper haqida nima deya olasiz?
- Uning og'ir-bosiq insonligi ko'rinib turibdi. Kuper Misrda ishlagan payti uning asosiy "quroli" Muhammad Salah edi. O'zbekistonda esa shunday futbolchi deb Odil Ahmedovni aytsa bo'ladi. Qani ko'ramiz, biz bilan kechadigan bellashuvda Ahmedov Kuperning Salahi bo'la oladimi.
- Avstraliya musobaqani mag'lubiyat bilan boshladi, biroq keyingi ikki turda g'alabaga erishdi. Jamoaning holati qanday?
- Afsuski, birinchi o'yinda mag'lubiyatga uchradik, kutilmaganda Iordaniya terma jamoasiga yutqazib qo'ydik. Ammo keyingi ikki turda g'alaba qozonib 6 ochko bilan keyingi bosqichga chiqdik. Aynisa Suriyaga qarshi bahs juda asabiy kechdi. SHunga qaramay 1/8 finaldamiz va endi O'zbekiston bilan o'ynaymiz. Jamoaning hozirgi holati yaxshi deya olaman. Oxirgi ikki o'yinda 6ta gol urdik. Bu ham jamoa holatini ko'rsatib turibdi. Yana shuni aytishim kerak, bizda yangi jamoa shakllanyapti. Yangi bosh murabbiy Grexem Arnold ko'plab yangi o'yinchilarni terma jamoaga chaqirgan.
- Hozirgi Avstraliya jamoasi tarkibida asosiy futbolchilar kim?
- Bosh murabbiy urg'uni jamoaviy o'yinga berishga harakat qilyapti. SHunga qaramay, oxirgi o'yinlarda 21-raqamdagi Aver Mabil, 23-raqamdagi Tomas Rogich yaxshi o'yin ko'rsatishyapti. Ayniqsa Rogich tez orada terma jamoaning yuragiga aylanishi kutilyapti.
O’xshash yangiliklar
![AMP Logo](https://championat.asia/image/logo-amp.png)
Fikrlar