- "Атлетико" мухлисларига қизиқ, Облак клубда қоладими ёки йўқ.
- Мен учун Облак дунёнинг энг кучли дарвозабони. Мухлис каби гапирмоқдаман.
- Якунда Облак қоладими ёки кетадими?
- Мен доим айтганман, Облакнинг "Атлетико" билан шартномаси бор ва у дунёнинг энг кучли посбони. Унга бошқа катта клублар қизиқиш билдираётгани ажабланарли ҳолат эмас.
- Сиз икки йил олдин Антуан Гризманнинг "Атлетико" ўйинчиси эканлигини ва муҳокама қилинадиган ҳеч нарса йўқлигини айтгандингиз. Шундан сўнг француз ёзда қолганди.
- Мен ҳар доим нимани айтсам, шуни гапираман. Облакнинг шартномаси бор, у "Атлетико" ўйинчиси ва ҳаммаси шу, - дейди Сересо.
Эслатиб ўтамиз, бундан олдин "Челси" 27 ёшли словениялик посбоннинг агенти билан музокаралар бошлагани ҳақида хабарлар янграганди.
