"Atletiko" Dibalaga qiziqmoqda. Klub hujumchining vakillari bilan aloqada

28 yoshli argentinalikka Madrid klubi sport direktori Andrea Berta qiziqish bildirmoqda. Klub so'nggi oylarda hujumchining atrofidagi insonlar bilan aloqada bo'lib turibdi.

Qayd etish kerakki, "Atletiko" Dibalaga ancha yillardan beri qiziqmoqda. O'yinchi 2018 yilda madridliklar bosh murabbiyi Diego Simeone bilan uchrashgan edi.

Dibala joriy mavsum "Yuventus" tarkibida 27ta o'yinda maydonga tushib, 12ta gol va 6ta assist qayd etdi. Hujumchining Turin klubi bilan shartnomasi 2022 yilning 30 iyuniga qadar mo'ljallangan.