"Atletiko" bosh direktori "Real"ni hakamlarga tasir ko'rsatishda ayblamoqda

"Men hakamlarni juda hurmat qilaman va ishonamanki ularning niyatlari yaxshi. Ammo boshqa tomondan bo'layotgan ishlarni kuzatayotganlar shuni ko'rishlari mumkinki, so'nggi o'n yillik davomida deyarli bir hil vaziyat sodir bo'lmoqda. Afsuski, endi bundan xech kim hayron qolmayapti, bu yangilik bo'lmay qoldi. SHunchaki, bo'lgan ishlarni eslash kifoya. 

"Real" - atrofida kuchlilar to'plangan klub. Bu klub atrofida doimo turli manfaatlar turadi. Ular qaror qabul qiladigan insonlarga bosim qilishadi. Qaror qabul qiluvchilar agar "Real"ga xato qilib zarar etkazib qo'yishsa, ularni nima kutayotganligini bilishadi. 

Tizim shundayki, "Atletiko"ning yolg'iz o'zi buni o'zgartira olmaydi. Biz o'z yo'nalishimizni kuchaytirishimiz uchun raqobat qilishimiz, kurashishimiz, ishlashda davom etishimiz kerak. Stadion va klub libosining ranglari qaror qabul qilishda ahamiyatga ega bo'lmasligi lozim. 

Futbolchilarimiz "Real"ga qarshi o'yinda bunday bosimdan zarar ko'rishdi. 

Sebalosning ikkinchi sariq kartochkasi aniq edi, bahslashadigan vaziyat emasdi. "Real" o'z uyida, "Santyago Bernabeu"da, Ispaniya kubogi yarim finaliga chiqish uchun o'ynayapti. Ularni 10 kishi qilib qo'yish - jiddiy ish", - dedi Migel Marina. 

Eslatib o'tamiz, Ispaniya kubogi chorak final doirasidagi o'yinda "Atletiko" "Real"ga 1:3 hisobida yutqazdi. 

Hisobida bitta sariq kartochka bo'lgan "Real" yarim himoyachisi Dani Sebalos 71-daqiqada o'z jarima maydoni atrofida o'yin qoidasini buzdi. Hakam Sesar Soto Grado futbolchiga ikkinchi sariq kartochkani ko'rsatmadi. Qo'shimcha vaqtda esa "Atletiko" himoyachisi Stefen Savichga bir necha daqiqa ichida ikkita sariq kartochka berib, maydondan chetlatdi.