Asror Aliqulov: "Standart vaziyatlar bizga qimmatga tushdi"

O'yin haqida

- O'yinga kirishib ketishda qiyinchliklarga duch keldik. Tezkor gol va standart vaziyatlar bizga qimmatga tushdi. Hisob 2:1 bo'lib turganida, bizga nisbatan qo'pollik bormidi, hakam bunga etibor qaratmadi. Umuman olganda, "Neftchi" bugun yaxshiroqdek ko'rindi. Darajalar o'rtasidagi farq sezilib qoldi. Harakat qildik, kuchimiz etmadi.

- Ikkinchi bo'limda darvozabon almashtirildi. "Neftchi"ning ikkinchi golida jamoangiz posbonini qanchalik ayblagan bo'lardingiz?

- Burchakdan gol urishadi, sizning darvozaboningiz uchun bu qiyin bo'lmasligi kerak. Birinchi golda ham darvozabonda ishonchsizlik sezildi. Biz shu bois darvozabonni almashtirdik. 

- Birinchi va ikkinchi gol jamoa ruhiyatiga tasir qildi. Bu haqida fikringiz?

- Buni futbolda tezkor gol deyishadi. Biz "Andijon"da ham birinchi bo'lib gol o'tkazgandik. Qo'pol xato bo'ldi, tarkibda rotaciyalarni amalga oshirayapmiz. Bizga himoyada ham etakchi etishmadi.

- “Andijon"dagi o'yin darajasini bugun "Mashal"da ko'rmadik. Bu jismoniy tayyorgarlik sababmi?

- Yo'q, buni jismoniy holat demagan bo'lardim. Biz harakat qildik, yigitlar borlarini berishdi. Biroq, futbolda darajaning o'rni ham alohida ahamiyat kasb etadi.