Asror Aliqulov: "SHo'rtan"dan transfer taqiqi olib tashlanmasa xayronman nima bo'ladi"
06 apr 2021 13:30
Yangiliklar
![](https://championat.asia/upload/storage/629414_original.jpg)
![](/upload/storage/629414_220.jpg)
Asror Aliqulov: "SHo'rtan"dan transfer taqiqi olib tashlanmasa xayronman nima bo'ladi"
"Bugungi o'yinga tayyorgarlik jarayonida "Xorazm"ga standart vaziyatlar yaratib bermaslikni shogirdlarimga uqtirgandim. Afsuski to'rtta gol ham standart vaziyatdan urildi. Soniyalik koncentraciyani yo'qotilishi tufayli xatolarga yo'l qo'ydik. Alamlisi futbolchimiz qizil kartochka ham oldi. Tarkibimizda futbolchilar tanqisligi bor. Noilojlikdan 2002-2003 yilda tug'ilgan bollarni maydonga tushirayapmiz. Ular tayyor emasligi ko'rinib turibdi. Himoyachilardan Ro'zimboy Ahmedovga alohida etibor qaratishni aytgandik. Tajribali hujumchiga qarshi yosh himoyachilarimiz munosib qarshilik ko'rsata olishmadi.
Tarkibimizga qo'shilgan futbolchilar pro liga saviyasidan past. O'tgan yil U-18 chempionatida o'ynashgan, ular xali tayyor emas. Afsuski transferlarga qo'yilgan taqiq tufayli bunga majburmiz.
Moliyaviy holatimiz yomon emas, chunki futbolchilarimizning ko'pi yosh va ularning maoshi katta emas. SHu bois klub bu borada qiyinchilik yo'q.
Oldin klubimizda ishlab ketgan xorijlik murabbiyning qarzdorligi tufayli yangi futbolchilarni ro'yxatdan o'tkazish uchun taqiq qo'yilgan. Bosh homiy va klub rahbariyati o'sha qarzni uzishga harakat qilishmoqda. Agar taqiq olib tashlanmasa keyingi o'yinlarda kimlar bilan o'ynaymiz xayronman.
Keyingi turda "Olimpik" bilan o'ynaymiz. Zaxiramizda bor yo'g'i ikki futbolchi qolmoqda. Afsuski maydonda futbolchilardan bor kuchi bilan o'ynamaslikni iltimos qilyapmiz. Sababi zaxiradan maydonga tushadigan futbolchi yo'q, bundan tashqari keyingi o'yinga charchab qolmasliklari kerak.
Maqsadimiz imkon qadar o'rta o'rinlarda yurish. Kuchli beshlikka kirishga urinamiz. O'yinlar juda qiyin kechmoqda", - deydi Asror Aliqulov.
O’xshash yangiliklar
![AMP Logo](https://championat.asia/image/logo-amp.png)
Fikrlar