Asror Aliqulov: "Ikki hujumchi bilan o'ynashimiz mumkin, qachonki..."

Asror Aliqulov: Bahs og'ir bo'lishini hisobga olib, qarshi hujum taktikasidan foydalandik. Gol urdik va to'p nazoratini "Nasaf"ga topshirdik. Futbolchilarimizda biroz hayajon borligi sezildi. Qisqa paslarimiz ham o'xshamadi. So'nggi soniyalarda afsuski gol o'tkazib yubordik.

- G'alaba so'nggi soniyalarda qo'ldan chiqdi, ammo futbolchilar o'ziga belgilangan vazifani qay darajada bajara olishdi?

- Futbolchilar bugun ko'p to'psiz harakat qilishdi, bu oson emas. Ulardan mamnunman.

- Murod Rahmatov "Nasaf"dan ijaraga olingani uchun maydonga tushmadimi?

- Futbolchini ijaraga olayotganda shartnomada shunday band bo'lgan.

- Islom Kenjaboev mavsumni yaxshi boshladi, jamoa etakchisi bo'lib o'ynayapti. Uni mavsumning ikkinchi qismida ham "Qizilqum"da ko'ramizmi?

- Kenjaboev so'nggi bir-ikki yil o'z saviyasida o'ynay olmadi. Biz unga formasini tiklashga yordam beryapmiz, u esa jamoamizga. Uning hujumdagi individual harakatlari bizga foyda keltirmoqda.

- "Qizilqum" 2 nafar hujumchi bilan o'ynashi haqida o'ylab ko'rganmisiz?

- Qachonki jamoada ikki nafar tayanch yarim himoyachisi bo'lsa, ular yakka kurashlarda raqibga imkon qoldirmasa, shundagina ikki hujumchi bilan o'ynaymiz.

- Ilhom Vahobov emociyalarga ko'p berilib ketyapti.

- To'g'ri, ko'p hayolparastlik qiladi. U jamoamizga kelganidan beri Vahobovning o'sishiga iloji boricha yordam beryapmiz. Lekin bu xarakter. Koncentraciyani yo'qotishni bas qilsa, futbolchida rivojlanish kuzatiladi.