Asror Aliqulov: “Derbi kurashlarga boy o'tishi kutilgandi”
29 avg 00:45
Yangiliklar
![](https://championat.asia/upload/storage/800165_original.jpg)
![](/upload/storage/800165_220.jpg)
Asror Aliqulov: “Derbi kurashlarga boy o'tishi kutilgandi”
O'yin haqida
- Derbi kurashlarga boy o'tishi kutilgandi. Futbolchilar o'yinni yaxshi boshlashdi. Yaxshi bosimlar qila oldik. Mehmonlar taktik uslublarini o'zgartirib borishdi. Biz vaziyatlardan yaxshi chiqib keta oldik. Kerak vaziyatlarda yaxshi himoyalandik. Jamoamiz azolari va muxlislarni g'alaba bilan tabriklayman.
- Bugun VAR tizimi ishlashi avvalgi o'yindagi bahsi holatlar tufaylimi? Klub bu borada tashabbus bilan chiqdimi?
- Yo'q, bu bizning tashabbus edi desak ham juda to'g'ri bo'lmaydi. Halol o'yin, haqqoniy futbol. SHuni anglagan holda klubimiz rahbariyati VAR tizimini taklif etdi. Harajatlari ham klubimiz tomonidan qoplab berildi. Ko'p qo'polliklar bo'lmadi, agressiv futbol bo'lmadi.
- Demak, VAR tizimi ishlagan o'yinda maydon egasi harajatlarni to'lab beradimi?
- Bilishimcha shunday.
- Asror aka, g'alabalar bardavom bo'lishi uchun “Mashal”ga nimalar zarur deb o'ylaysiz?
- Kuchli futbolchilar kerak. Bazi holatlarda tajriba ham etishmayapti. Oddiy holatlarda xatoliklarga yo'l qo'yyapmiz. Bazi futbolchilarda Pro-liga darajasidagi o'yin amaliyoti etishmaydi. Markaziy himoyada ko'p jamoalarda legioner xizmatidan foydalanishadi.
- “Mashal” Superligaga yo'l olsa, moddiy jihatdan, infratuzilma va tarkib jihatdan yuqori ligaga tayyor bo'la oladimi?
- Rahbariyat va homiylar moddiy jihatdan jamoani to'liq taminlab bera olishayapti. Bu borada muammo yo'q. Infratuzilma bo'yicha ishlar davom etayapti. Tarkib jihatdan o'sishimiz kerak. Hozir ko'rayapsiz, Superligada ochko olish juda qiyin.
O’xshash yangiliklar
![AMP Logo](https://championat.asia/image/logo-amp.png)
Fikrlar