Asror Aliqulov: "Bugungi o'yinda asosan tezkorlik va jarayonning borishiga qarab qarshi hujumni maqsad qilgandik"

O'yin haqida

- Mezbonlarning o'yin uslubini o'rganib chiqqandik. SHunga mos ravishda tayyorgarlik ko'rdik. Bugungi o'yinda asosan tezkorlik va jarayonning borishiga qarab qarshi hujumdan ham foydalanishni maqsad qilgandik. Birinchi bo'limda ham vaziyatlarimiz bo'ldi, foydalana olmadik. Ikkinchi bo'limda yigitlar faollikni oshirishdi, gol ham urdik. Biroq, uchrashuvning so'ngi qismida himoyaviy futbol ko'rsatdik, chunki mezbonlarning o'yini bizni shunga majbur etdi. G'alaba bilan jamoamiz azolari va muxlislarni tabriklayman. Kichik hisobda bo'lsa ham g'alaba qozonishni uddalay oldik.

- Zaxiradan o'yinga qo'shilgan futbolchilar o'zlarini unchalik ham ko'rsata olishmadi. Bunga nima sabab bo'ldi deb o'ylaysiz?

- Ular chigalyozdi mashg'ulotlarni yaxshi amalga oshirmagan bo'lishlari mumkin. SHuningdek, o'yinning borishiga bir oz etiborsizlik bilan qarashdi.

- G'alaba qozonayotgan bo'lsangiz ham o'yinni asabiy tarzda kuzatib bordingiz. Bunga qanday izox berasiz?

- Mezbonlar tajovuzkor futbol namoyish etishadi, bitta xatodan unumli foydalanib ketishlari mumkin. Yillar davomida mashg'ulotlarda ishlaysiz, lekin futbolchilar oddiy vaziyatlarda ham xatoliklarga yo'l qo'ysa, bu albatta asabiylashtiradi.