So’nggi yangiliklar

02:32ЛаЛига. "Барселона" Мадридда дуранг ўйнади  21 01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  36 22:55"Севинч" тарих яратди ва ОЧЛга йўлланма олди!  5 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  22 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

Asqar Umarov: "Zomin"ga rahbariyatning ruhiy daldasi etishmayapti. "Andijon"ning ikkinchi golini hakamlar uyushtirib berishdi" Yangiliklar

Asqar Umarov: "Zomin"ga rahbariyatning ruhiy daldasi etishmayapti. "Andijon"ning ikkinchi golini hakamlar uyushtirib berishdi"

“Andijon” – “Zomin” (2:1) o'rtasidagi o'yindan keyin o'tkazilgan matbuot anjumanining dastlabki qismida mehmonlar bosh murabbiyi Asqar Umarov savollarga javob qaytardi.


O'yin haqida

- Bugun muxlislarga yoqadigan tomoshabop ruhdagi o'yin bo'ldi. Jamoamiz yigitlari butun uchrashuv davomida taslim bo'lishmadi, astoydil harakat qilishdi. "Andijon"ni g'alaba bilan tabriklayman. Jamoamizga rahbariyatning ruhiy daldasi etishmayapti. Moliyaviy qiyinchiliklarimiz bor. 

- "Zomin" Pro-ligada autsayder bo'lib qolishiga sabab nima?

- Albatta, muvaffaqiyatsizlikning asosiy sababi iqtisodiy muammoga borib taqaladi. Bugunga qadar ko'p oyliklarimizni olmadik. Bizga yaxshi xomiy bo'lganida natijalarimiz boshqacha bo'lardi. SHunday bo'lsa ham biz harakatdan to'xtab qolganimiz yo'q.

- Mavsum avvalida rahbariyat tomonidan jamoa oldiga qanday vazifa qo'yilgan?

- Oldimizga juda yuqori maqsad qo'yilmagan. Maqsadimiz Pro-ligada chiroyli o'yinlar ko'rsatish va ligada qolish. Mahalliy futbolchilar bilan bunga harakat qilayapmiz. O'tgan mavsum Birinchi ligada chempionlikni qo'lga kiritgan yigitlarni tarkibda saqlab qolganmiz.

- Jamoa sardori Eldor Karimov asli himoyachi bo'lsa-da, o'yin davomida turli ampulalarda harakat qildi, jumladan hujum chizig'ida. Bu nima bilan bog'liq?

- Bizda hujumchilar bilan bog'liq muammo bor edi. Eldor Karimov ko'p gol uradigan futbolchi, shu sabab uni hujum chizig'ida ham sinab ko'rdik. 

- "Andijon" bilan o'yindan oldin qanday natija kutgandingiz?

- Biz albatta o'zimizga kerakli natijani kutgandik. Bo'ydor futbolchilarga qarshi mashg'ulotlarda ishlagandik. Mezbonlarning ikkinchi golini hakamlar uyushtirib berishdi deb o'ylayman. Hakamlar qaror beradi, biz boriga chidaymiz. Biron narsa desang bo'lmaydi.

- Jamoa Birinchi ligaga tushib ketsa, taqdiri qanday kechadi?

- Jamoa taqdiri mutasaddilarning qo'llab-quvvatlashiga bog'liq. Bizda hozir imkoniyat bor, ligada qolishimiz mumkin. Yigitlarga ishonaman, ular hohlagan jamoani mag'lub eta olishadi. Bizga ruhiy dalda kerak, bizga ham "Andijon"dagi kabi xomiy kerak.

Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика