Artyom Filiposyan: “Tanaffusda murabbiylar bergan ko'rsatma g'alaba omili bo'ldi”
29 iyu 2016 12:35
Yangiliklar
![](https://championat.asia/upload/storage/216885_original.jpg)
![](/upload/storage/216885_220.jpg)
Artyom Filiposyan: “Tanaffusda murabbiylar bergan ko'rsatma g'alaba omili bo'ldi”
- Davralar oralig'idagi tanaffusdan so'ng birinchi rasmiy o'yinimiz bo'lgani uchun hayajon tufayli birinchi bo'limda o'yinimiz qovushmadi. Qolaversa, bazi o'yinchilarning terma komanda yig'inida, bazilarning jarohati tufayli ancha vaqt mashg'ulotlarda birga ishlamaganimiz ham bunga tasir ko'rsatdi.
Tanaffusda murabbiylar shtabi biz bilan jiddiy suhbat o'tkazib, kerakli ko'rsatmalarni berishdi. Ikkinchi taymda ana shu ko'rsatmalarga amal qilgan holda dastlab hisobni ochishga, so'ngra uni yiriklashtirishga muvaffaq bo'ldik. Himoyachi sifatida darvozamiz daxlsizligini saqlab qolganimiz men uchun yoqimli bo'ldi. Birinchi taymda o'yinimiz chiqmaganda ham, ikkinchi bo'limdagi g'alabamizda ham bizni birdek qo'llab-quvvatlagan muxlislarimizga rahmat aytaman.
“Qo'qon-1912” jamoasi haqida gapiradigan bo'lsak, ikkinchi davrada ular safiga yaxshi o'yinchilar yig'ilibdi. Birinchi o'yindanoq, jamoaning o'yin uslubi yaxshi tomonga o'zgargani guvohi bo'ldim. SHu bois ular keyingi o'yinlarda ko'pchilik etakchilarga munosib qarshilik ko'rsatadi, deb o'ylayman, - deydi A. Filipposyan.
“Buxoro” PFK Matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar