Artyom Filiposyan: “O'yin qiymati juda baland edi”

- O'tgan o'yinda “Nasaf”dan uchralgan mag'lubiyat sovrinli o'rinlar uchun kurashdagi imkoniyatimizni keskin tushirib yuborgan edi. SHu bois bugungi o'yinda g'alaba bizga suv havodek zarur edi. Xudoga shukr, biz buni uddaladik, - deydi Artyom Filiposyan.

“Qizilqum” yaxshi jamoa sifatida shakllangan. O'yindan oldin ularni yaxshi o'rganishga muvaffaq bo'ldik. Jamoaning standartlardan, ayniqsa autdan to'p tashlash va jarima zarbalaridan unumli foydalanishi haqida bilganimiz uchun ham ushbu vaziyatlarga tayyor turdik. Natijada o'yinni o'z foydamizga hal etdik.
Buxorodan qo'llab-quvvatlash uchun kelgan muxlislarga rahmat aytaman. Umuman, bugun “Qizilqum” stadionida muxlislik madaniyati va muhiti juda yaxshi bo'ldi.  “Qizilqum” jamoasining keyingi o'yinlarida omad tilayman.

“Buxoro” PFK Matbuot xizmati.