Artyom Filiposyan Indoneziyadagi yangi jamoasi va “SHo'rtan” sobiq murabbiyi haqida gapirdi
18 apr 2020 12:27
Yangiliklar
![](https://championat.asia/upload/storage/537882_original.jpg)
![](/upload/storage/537882_220.jpg)
Artyom Filiposyan Indoneziyadagi yangi jamoasi va “SHo'rtan” sobiq murabbiyi haqida gapirdi
Futbolchi hozirda mamlakatdagi vaziyat, klub haqidagi dastlabki taassurotlari, nima uchun o'zbek klublari taklifini rad etgani haqida fikr bildirdi.
“Indoneziyada futbol va boshqa sport turlari, musobaqalari 15 martdan so'ng to'xtatildi. Jamoamiz bilan karantindamiz. Mashg'ulot, yig'inlar tashkil qilish mumkin emas. Bu erda besh minga yaqin odam koronavirus bilan kasallangan. Vaziyat ijobiy tomonga o'zgarishini kutishdan boshqa choramiz yo'q.
CHempionatda umumiy uchta turni o'tkazdik. Bittada yutuq, mag'lubiyat va durang qayd etdik. Turnir jadvalida 18ta jamoa ichida 10 o'rinni egallab turibmiz.
Jamoa bosh murabbiyi men uchun begona emas - Igor Kriushenko. O'zbekistonda “SHo'rtan” jamoasida faoliyat yuritganini yaxshi bilasiz. G'uzorda yomon ishlamagandi. Umuman olganda yaxshi murabbiy va samimiy inson. Jamoadagi barcha bilan iliq mashg'ulotlar va o'yin vaqtida samimiy munosabatda bo'ladi.
Tailand futboli Indoneziyanikidan kuchli. Bu erda insonlar futbolni juda yaxshi ko'rishadi. Uy uchrashuvlarimizda stadion deyarli to'ladi. Qiziqish va etibor yuqor darajada. Uchrashuvlar paytida haqiqiy futbol muhitini sezasiz.
Menga jamoada belaruslik murabbiyning ishlayotgani maqul keldi. O'zaro tushunishimizda muammo yo'q. Rus tilida muloqot qilamiz.
Superligadagi bitta jamoadan aniq taklif bor edi. Agar xorijdan klub topa olmasam silarga o'taman deb kelishgandik. Yakunda chetdan chorlov bo'ldi va ketishga qaror qildim. Meni to'g'ri tushunishdi”,- deydi Filiposyan.
Abdulaziz Iskandarov yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar