So’nggi yangiliklar

12:32"Тоттенхэм" "Барселона" футболчисини нишонга олди  0 12:05"Рома" А Сериядаги мағлубиятсиз сериясини 17 ўйинга етказди  2 11:41Иммобиле Италияга қайтиши мумкин?!  2 11:18Нико Уильямс МЮ билан ўйин ҳақида: "Фаворит йўқ, улар АПЛда пастда жойлашишган. Биз "Атлетик Бильбао" нималини кўрсатишга ҳаракат қиламиз"  7 10:54Раньери «Рома»нинг «Верона» устидан қозонилган ғалабасига муносабат билдирди  1 10:27Про лига. Бугун 3-тур якунланади  0 09:56«Барселона»да «Реал»га қарши учрашувдан аввал катта йўқотиш бор  7 09:26«Верона»га қарши учрашувдан сўнг Шомуродов ўз фикрларини билдириб ўтди  5 08:58Улуғбек Бакаев: "Гол ўтказиб юборган вазиятимиз ва пенальти белгиланган вазият бўйича ҳам саволларим бор"  13 08:31Исломбек Исмоилов – истеъдодларга тўла жамоа билан мукаммал ишни бажаришга яқин: ОФК расмий саҳифаси Исломбек Исмоилов ҳақида катта мақола эълон қилди  10 08:03Sofascore. Жамоасига ғалаба тақдим этган Шомуродов неча баҳога лойиқ кўрилди?  3 07:37Суперлига. Бугун Олмалиқ ва Андижонда ўйинлар бор  6 07:05U-17 Осиё кубоги. Бугун ФИНАЛ!  26 02:35Асрор Алиқулов: "Рақибда 65-70 дақиқалардан сўнг бўшлиқлар пайдо бўлишини кутгандик"  1 02:14Анвар Бердиев: "Ўйин битта голгача бўлди, уни эса "Машъал" урди"  5

Artur Gevorkyan: "Turkmaniston terma jamoasi uchun o'ynashga doim tayyorman" Yangiliklar

Artur Gevorkyan: "Turkmaniston terma jamoasi uchun o'ynashga doim tayyorman"

Indoneziya chempionati vakili "Persib Bandung"da harakat qilayotgan Turkmaniston terma jamoasi hujumchisi Artur Gevorkyan "Turkmenportal"ga intervyu berdi.

Suhbat Turkmaniston terma jamoasining Dubay yig'ini oldidan "Ashxobod" stadionida bo'lib o'tdi.

- Artur, siz ko'p yillar o'zbek jamoalarida to'p tepgansiz. Avvaliga mavsum boshida "Axal"ga keldingiz, shundan so'ng esa kutilmaganda Indoneziyaga yo'l oldingiz. Transferingiz haqida gapirib bering.

- "Axal" bilan o'zaro kelishgan edik va Indoneziyadan yaxshi taklif kelib tushdi. "Axal" men uchun ko'p imtiyozlar berdi va vaziyatimni tushundi. Buning uchun ularga rahmat aytaman.

- 2019 yilgi Turkmaniston chempionatida "Axal" tarkibida 2ta o'yin o'tkazdingiz va ularda g'alabaga erishdingiz. SHundan so'ng esa jamoadan ketdingiz. Turkmaniston vice-chempionida sizni nima qanoatlantirmadi?

- "Axal"da meni hamma narsa qoniqtirgan. Yana qaytarib aytaman, menga xorijdan yaxshi taklif kelib tushdi va buni klub bilan muhokama qilganmiz. Biz bir-birimizni to'g'ri tushundik va yagona fikrga kela oldik. SHunday ekan, men "Axal" bilan pozitiv kayfiyatda xayrlashdim.

- Indoneziya jamoasini qanday topdingiz?

- Menga "Persib"dan taklif kelib tushdi va buni qabul qildim. Ammo Indoneziyaga ketishdan oldin "Axal" va "Persib" bilan hamma shartlarni tahlil qilganmiz. Bu bir kun ichida sodir bo'lmadi, bu bir necha kunni o'z ichiga oldi.

- Indoneziya chempionati qanday? U Turkmaniston chempionatidan qanchalik kuchli?

- Men Indoneziya chempionati kuchli yoki kuchsiz deya olmayman. Bu juda o'zgacha chempionat. Iqlimi boshqacha, umuman olganda hammasi o'zgacha. Terma jamoalar darajasini FIFA reytingiga qarab farqlashim mumkin. CHempionatlar esa turlicha. O'zbekiston, Turkmaniston, Indoneziya, hammasi turlicha chempionatlar.

- Sizni klubda qanday kutib olishdi? Siz Indoneziya klubidagi bugungi holatingizdan mamnunmisiz?

- Ha, albatta, yaxshi qarshi olishdi. Kollektiv ham, rahbariyat ham juda yaxshi. Men jamoadagi o'rnimdan xursandman. Oxirgi o'yinda durang qayd etdik, undan oldin esa g'alaba qozongan edik. Bu futbol. Keyingi o'yinda yutish kerak va hammasi yaxshi bo'ladi. Jamoa ham, kollektiv ham yaxshi, vazifa esa yuqori. Ishlashda davom etamiz.

- Indoneziyada klubga qanday vazifa qo'yilgan?

- Birinchi vazifa - bu chempionlik. Bizda yaxshi futbolchilar yig'ilgan, hammasi kuchli. Bizga berilgan vazifalarni bajarishga harakat qilamiz.

- Bir necha muddatdan so'ng sizni yana Turkmaniston milliy terma jamoasiga chaqirishdi. Terma jamoa yig'iniga jalb etilganingiz siz uchun qanchalik kutilmagan bo'ldi?

- Nimaga kutilmagan? Men o'tib ketgan voqealarni muhokama qilishni xohlamayman. Hozir rahbariyat almashgan. Bungacha ham murabbiylar shtabi almashgan va men termada bo'lganman. Hozir ham murabbiylar shtabi almashdi va meni yana terma jamoaga chaqirishdi.

- Turkmaniston terma jamoasiga xorvatiyalik mutaxassislarning tayinlangani sizda qanday taasurot uyg'otdi?

- Faqat yaxshi, pozitiv va ijobiy taasurotlar. Men yaqinda uchib keldim, biz ko'rishdik va gaplashdik. Biz bir-birimizni tushundik. Hammasi yaxshi bo'ladi deb o'ylayman.

 - Siz murabbiyning talabidan so'ng bundan keyin ham terma jamoa uchun kelishga tayyormisiz?

- Albatta! Men butun faoliyatim davomida har doim Turkmaniston terma jamoasi uchun kelishga tayyor bo'lganman. Men terma jamoaga chaqirilishdan doim mamnun bo'lganman. Zero terma jamoa - mamlakat g'ururi. Birinchi navbatda bu hammasidan ustunligini tushunish kerak.

- "Instagram" ijtimoiy tarmog'ida sizning obunachilaringiz soni 148 mingta. Siz o'z mashhurligingizga qanday qaraysiz?

- Yo'q, bu mashhurlik emas (kuladi). Hozir shunday vaqtki, yoshlar internetda ko'p o'tiradi, men ham bundan mustasno emasman. Men bu haqida ko'p o'ylamayman, birinchi navbatda - natija. O'zingizni aldashingiz emas, balki o'ynashingiz kerak. Muxlislar va obunachilar keladi-ketadi. SHuning uchun bu haqida ko'p o'ylash kerak emas deb o'ylayman.

Reyting: +12   

Fikrlar

championat.asia
< so’nggi yangiliklarni ko’rish
Яндекс.Метрика