"Arsenal", "Stouk" va "Everton" Asia Trophy musobaqasida ishtirok etadi

Barclays Asia Trophy har ikki yilda Angliyadan tashqarida o'tkaziladi. Yozda bu musobaqada "Arsenal" va "Stouk" debyut qilishadi, "Everton" esa 2005 yilda ishtirok etgan.

To'rtinchi jamoa Singapur milliy chempionati klublarida o'ynayotgan futbolchilardan tuziladi. Musobaqa pley-off tizimida bo'lib o'tadi. 15 iyulda yarim final bo'lib o'tsa, 18 iyulda uchinchi o'rin uchun va final bahsi bo'lib o'tadi.

Barcha to'rtta o'yin Singapurdagi Olimpiya stadionida bo'lib o'tadi. Bu stadion 2014 yilda qurib bitkazilgan. Arena o'z bag'riga 55 ming tomoshabinni sig'diradi.