"Arsenal" muxlisasi Sevara Nazarxondan "CA" uchun eksklyuziv

SHunda tanishlarimidan biri nima uchun stadionga tashrif buyurishini aytib, Sevara Nazarxonning "Vatanim" qo'shig'ini hirgoyi qilar edi.

"Sen  shoxlari osmonlarga
Tegib turgan chinorim o'zingsan,
Ota desam,
Qizim deb,
Bosh egib turgan o'zing,
Ulug'imsan, VATANIM ..."

Aynan shu qo'shiqni tinglash uchun stadionga kelar ekan. O'yin avvalida va tanaffus paytida yangraydigan Sevara Nazarxonning ana shu qo'shig'i ko'pchilikka manzur bo'lardi.

Bejizga Sevara Nazarxon haqida eslamadim. Kuni kecha "Arsenal" va "CHelsi" jamoalari o'rtasida bo'lib o'tgan o'yinning natijasi qolib, futbol va shou-biznes olamida sanatkorimizning "Emireyts" stadionida "Arsenal" futbolkasida tushgan surati ommaga tarqaldi. Fursatdan foydalanib, Abdurahmon Fozilov yordamida "Arsenal"ning o'zbekistonlik muxlisasidan intervyu oldik.

"2000 yildan buyon futbolga qiziqishim katta. Doimiy kuzatib bormayman-ku, lekin imkon bo'ldi deguncha "Arsenal" ishtirokidagi o'yinlarni tomosha qilishga harakat qilaman. Bu jamoani bejizga tanlamaganman. Har doim Londonga kelganimda men shaharning shimoliy hududiga joylashaman. Bu hudud esa "to'pchilar"niki. SHuning uchun ham bu klub mening "uy jamoamga" aylangan. Menimcha endi men, na "Barselona", na "Inter"ga muxlislik qila olaman", - deydi Sevara Nazarxon.

Afsuski, Arsen Venger shogirdlari shu kuni mag'lubiyatga uchradilar. Bu mag'lubiyat Sevara Nazarxonga qanday tasir qildi?
- Bundan yomon kunlar ham bo'lgan. SHunday mavsumlar bo'ldi-ki, klub premer-liganinig o'rtamiyonalari qatoriga tushib ketdi. Alam va achchiqlanish bo'ladi. Lekin buning bir o'yin ekanini unutmasligimiz kerak. Futbolda bir jamoa doim ham g'alaba qozonavermaydi. Premer-liga esa shunisi bilan ham qiziq. Turnir jadvalidagi so'nggi jamoa ham bu erda peshqadamni mag'lub etishi mumkin.

Nodirxo'ja Yuldashev.