"Arsenal" futbolchilari tungi klubda azot oksidini yutishgan ekan (+FOTO)

Malumotlarga ko'ra, joriy mavsum startidan oldin Mesut O'zil, Per-Emerik Obameyyang, Matteo Genduzi, SHkodran Mustafi, Genrix Mxitaryan va "to'pchilar"ning boshqa futbolchilari Londondagi tungi klubda azot oksidini yutishgan ekan.

Malum bo'lishicha, "quvnoq gaz"li kechada ishtirok etgan "to'pchilar"ning bazi vakillari xatto xushini yo'qotgan.

Bundan tashqari, o'sha kuni "Arsenal" futbolchilari "dam olgan" yopiq kechada 70dan ortiq ayollar ham ishtirok etgan.

Angliya qonunlari bo'yicha, azot oksidini istemol qilish taqiqlanmagan. Biroq 18 yoshga to'lmaganlarga bu mumkin emas.

Azot oksidining insonga tasiri:

- bo'shashtiradi, odam o'zini xotirjam his qiladi

- bosh aylanadi, odam o'ylashga qiynaladi, besabab kula boshlaydi

- galyucinaciya keltirib chiqaradi

- bosh og'riydi

- xushdan ketish yoki kislorod etishmasligi tufayli vafot etish.