Arsen Venger: “Gap-so'zlarga etibor qilmasdan maydonda o'zimizni ko'rsatishimiz lozim”

“Biz yaqindagina muxlislarimizni qattiq ranjitdik. SHu sabab yana “Uembli”ga borib, g'alaba qozonish niyatidamiz. CHempionlar ligasidagi mag'lubiyatdan keyin ruhiy tomonlama o'zimizga kelib olishimiz oson emasdi. Keling men haqimda gaplashmaylik, chunki oxirgi kunlarda bu haqda ko'p gapirildi. Men butun umrim mobaynida ushbu klubga borimni berib ishlab keldim. Bu qancha vaqt davom etadi? Hozircha buni bilmayman. Jamoamga borlig'imni baxsh etganman.

Men o'z ishimga etiborliman va boshqalarga ishimni baholashga imkon beraman. Dam olish haqida ko'p o'ylamayman, chunki bir o'yin tugashi bilan xayolim keyingi uchrashuvda bo'ladi.

Bizni xavotirga solgan jihat shundaki, bugungi raqibimiz “Bernli”, “Ipsvich” va “Brayton” singari jamoalarni kubok bahslaridan chiqarib yuborishga erishgandi. SHu sabab ularga hurmat bilan qarash lozim edi. Ikkinchi bo'limda tashabbus to'liq biz tomonda bo'ldi. Ammo raqibni kubok bahslarining ushbu bosqichiga etib kelganiga yuqori baho berish lozim. Bizga oxirgi uchrashuvdagi natijadan keyin biroz ishonch etishmadi. Jamoa o'z kuchiga ishona boshlagach, o'yin sifati ham o'sdi.

Odamlar gapiradi, gapiraveradi. Bu ular haqiqatni gapiradi, degani emas. Biz bunga ko'nikishimiz va maydonga chiqib, o'z ishimizni qilishimiz lozim. Mayliga insonlar bizni muhokama qilishsin, biz esa yashil maydonda o'z “yuzimiz”ni namoyish etaylik.

“Linkoln Siti” - juda uyushqoq jamoa.  Ular nima qilish lozimligini juda yaxshi tushunib turishgandi. O'yindan keyin murabbiyning futbolchilarga bo'lgan munosabatini shunchaki olqishlash lozim. U juda yaxshi ishlamoqda.

Qachonki bizda muammolar yuzaga chiqa boshlasa, men ularni bartaraf etish ustida bosh qotiraman. Men xar doim kurashga chanqoqman va muammolarni hal qilishga urinaman”, deydi Venger.