APL. MYU "Everton"ni taslim etdi, Brunudan dubl, Kavanidan esa debyut gol

Everton – Manchester Yunayted 1:3

«Gudison Park»

Gollar: Bernard 20' – Fernandesh 25', 32', Kavani 90+4 

Everton – Pikford, Din, Kin, Koulmen, Xolgeyt, Dukure, Sigurdsson (Ivobi, 66), Xames (Tosun, 80), Allan, Bernard, Kalvert-Lyuin.

Manchester Yunayted – De Xea, SHou (Tuanzebe, 67), Uan-Bissaka, Lindelyof, Maguayr, Fred, Brunu Fernandesh, Maktominey, Mata (Pogba, 82), Marsyal (Kavani, 82), Reshford.

Ogohlantirishlar: Xolgeyt (34), Allan (45), Brunu Fernandesh (50), Fred (83), Tosun (86), Dukure (88).

Uchrashuv yakunlandi. "Manchester Yunayted" muxlislarini tabriklaymiz! "Everton" muxlislariga esa keyingi o'yinlarda omad tilaymiz. Xizmatingizda SHerzod Nurmatov bo'ldi. "CHelsi" – "SHeffild Yunayted" o'yinida g'oyibona ko'rishguncha! 

90+4. GOOOOOOOOOOOOOOOOOOOOOOL! Kavani hisobni oshirdi – 1:3! 

90+1. "Everton" vaziyat tashkil etishga urinyati. Din ikki marta to'pni ichkariga oshirib berdi, ammo samarasiz.

Ikkinchi bo'limga 4 daqiqa qo'shib berildi. 

90. Reshford o'ng qanotdan ichkariga kirib borib, Kavani tomon uzatmani amalga oshirdi, noaniq.

88. Katta tezlikda yugurib kelgan Dukure Maktomineyga nisbatan qoidani buzdi va jazolandi. 

86. Tosun Maktomineyga nisbatan qo'pollik ishlatgani bois ogohlantirildi. 

84. Lyuka Din ijrosidagi jarima to'pidan keyin Maguayr to'pni qaytarib yubordi. 

83. Fred Koulmenni yiqitdi va sariq kartochka ishlab oldi. 

82. MYUda o'zgarish: Mata o'rniga Pogba, Marsyal o'rniga Kavani maydonga tushdi. 

80. "Everton"da o'zgarish: Xames o'rniga Tosun tushirildi. 

76. Aleks Ivobi omadli ravishda o'yinga kirishib ketdi. Nigeriyalik forvard o'ng qanotda Uan-Bissakani aldashga chog'landi, yakunda burchak to'pi ishladi.

74. Mataning yo'llagan zarbasi yo'liga Xolgeyt to'g'anoq bo'ldi.

73. Reshford "Everton" jarima maydoni ichida paydo bo'ldi va yugarib kelayotgan Mata tomon pas berdi, biroq Pikford o'z vaqtida darvozadan chiqib kelib, to'pni egalladi.

71. Brunu Fernandesh Allanga nisbatan qo'pol o'ynadi, "Brunu senda sariq bor" deb qo'yishi kerak unga Sulsher. 

68. Bernard maydon markazida Mataga nisbatan qo'pollik ishlatdi, hakam o'yinni to'xtatdi, ammo braziliyalik bundan norozi va etiroz bildirmoqda. 

67. MYUda almashtirish: SHou o'rniga Tuanzebe o'yinni davom ettiradi. 

66. "Everton"da o'zgarish: Sigurdsson o'rniga Ivobi tushdi. 

65. Brunu Fernandeshning burchak to'pidan amalga oshirgan uzatmasi Kin tomonidan qaytarildi.

63. Ushbu vaziyatda ofsayd sodir bo'lgani ham malum qilindi. 

62. Maguayr tik oyoqda harakat qilib, Din tomon kelgan to'pni maydon tashqarisiga chiqarib yubordi, biroq Lyuka og'riq his qilib, maydonda yotibdi. 

60. Pikford to'pni qaytarishda xatoga yo'l qo'ydi va sal qolsa hammasi chakki bo'lishi mumkin edi. 

58. "Everton" to'p bilan muomala qilyapti, ammo hujum tashkil etishda muammo bor, MYU himoyasi bugun yomon emas.

56. Sigurdsson Zidanning finti yordamida uch nafar raqibini aldab o'tmoqchi bo'ldi, ikki kishini alday oldi, ammo haybatli Maktominey islandiyalikning oyog'iga tepdi. 

55. To'pga egalik qilish bo'yicha statistika: 53% – 47%

53. Xames "qaychi" uslubida zarba yo'llashga urindi, o'xshamadi. 

52. Koulmen o'ng qanot orqali yorib kirishga oshiqdi, ammo SHou uni osonlikcha to'xtatib qoldi.

50. Sigurdssonni yiqitgan Brunu sariq kartochkaga loyiq ko'rildi. 

47. Bugun Xames Rodrigesni ko'rdingizmi?  Ko'pgan-bilganlar bo'lsa, xabar bersin. Kolumbiyalik yarim himoyachiga Allandan pas keldi, lekin u oldinga yugurishni xohlamadi.

46. Sigurdsson MYU jarima maydonida to'pni qabul qilib oldi va Dukurega uzatdi, unga zarba berish imkoniyatini berishmadi.

46. Ikkinchi bo'lim boshlandi! 

Birinchi bo'lim tugadi. Hozircha hisob – 1:2. Tanaffus! 

45+4. Allan Fredga nisbatan qo'pol o'ynagani bois ogohlantirildi. 

45+3. Dindan yaxshi uzatma, ammo Xames ofsayddq qolgani malum bo'ldi. 

45+1. Endi Kalvert-Lyuin Lindelyof bilan to'qnashdi, hakam hujumchi qoida buzganini qayd etdi.

Birinchi bo'limga 4 daqiqa qo'shildi. 

44. Marsyal va Kin o'zaro to'qnashib ketishdi, Kinning oyog'i Marsyalning yuziga tegib ketdi, og'riqli holat. 

43. O'yinda to'xtalish kuzatildi. Brunu Fernandeshga tibbiy yordam ko'rsatilishi zarur. 

40. Reshford raqib jarima madoni ichiga kirib bordi, biroq noto'g'ri pas berdi.

37. Anchelotti himoyachilarni xushyorlikka chaqiryapti. Bunga sabab bor: Allan va Dukure juda yomon o'ynashyapti.

34. Xolgeyt Marsyalga nisbatan qo'pol o'ynadi va sariq oldi.

32. GOOOOOOOOOOOOOOOOOOOOOOOOOL! Reshford!  Brununing uzatmasidan keyin Markus bosh bilan gol urdi   Brununing tepgan to'pi darvoza ustuniga tegib, darvozadan joy olgan ekan, to'p Reshfordnang boshiga tegmagan. Demak, dubl va hisob – 1:2!   

28. Uuuuxx! Dahshat!  Lyuka Dinning kuchli zarbasi darvoza to'siniga tegdi! 

25. GOOOOOOOOOOOOOOOOOOOLL!  Fernandesh!   Brunu SHouning uzatmasidan keyin bosh bilan raqib darvozasini ishg'ol etdi – 1:1! 

22. Lyuk SHou chap qanot orqali tezlik oldi, biroq "Everton" sardori Koulmen o'z vaqtida ulgurib, to'pni autga chiqarib yubordi. 

20. GOOOOOOOOOOOOOOOOL! Bernard!  Braziliyalik futbolchi o'z mahorati evaziga hisobni ochdi – 1:0! 

18. O'yin tempi hozircha yuqori darajada emas va hech bir jamoa ustunlikni o'z qo'liga olmagan. 

16. Zarba!  Marsyalning yaqin masofadan yo'llagan kuchli zarbasi ozgina noaniq ketdi.  

14. Ole Gunnar Sulsher yon chiziqda jilmayib turibdi, balki bugun uning keyingi taqdiri hal bo'lar.  Karlo Anchelotti esa o'z ananasiga sodiq qolgan holda "jvachka" chaynash bilan ovora.

12. Koulmen o'ng qanot orqali Dukurening yo'liga pas berdi, ammo farnciyalik yarim himoyachini Lyuk SHou "podkat"da "tutib oldi", aut.

11. "Everton" futbolchilari ikki qanotdan to'p oshirishga urinishdi, mankunianlar himoyachilari har ikkisida to'pni uzoqlashtirishdi.

9. Sigurdsson burchak to'pini o'yinga kiritdi, himoyachilarga yordamga kelgan Brunu Fernandesh xavfni bartaraf etdi. "Irislar" ikkinchi tempda hujumga o'tadi. 

7. "Everton"da xavfli vaziyat!  Bernardning uzatmasidan keyin Kalvert-Lyuin bosh bilan zarba berdi, sal yuqoriga ketib qoldi.

5. SHou chapdan pas berdi, ammo mo'ljal to'g'ri yonida turgan Reshfordga tegdi. 

4. Reshford 3 kishini aldashga harakat qilib ko'rdi, ammo bu reja o'xshamadi.

3. Kalvert-Lyuin havoda Lindelyof bilan kurash olib bordi, himoyachi to'pni boshi bilan De Xeaga uzatishga muvaffaq bo'ldi.

2. Mehmonlar tezkor qarshi hujum tashkil etishgi urinishdi. Fernandesh uzatmasi kuchli va noaniq chiqdi. To'p Pikfordda.

1. O'yin boshlandi! 

- Futbolchilar maydonga chiqib kelishdi. 

"Everton" o'yin oldidan Reshfordga hurmat ko'rsatdi. Respect! 

O'yinoldi suratlar

Jamoalar stadionda

Tarkiblar malum!

"Gudison Park" o'yinni qabul qilishga shay. Siz-chi?  Tomosha qilishga tayyormisiz? 

- O'yin Toshkent vaqti bilan 17:30 da start oladi. 

- Assalomu alaykum, qadrli futbol ixlosmandlari! Bugun APL 8-turida "Everton" klubi o'z maydonida "Manchester Yunayted"ni qabul qiladi. Uchrashuvni yaqin 2 soat ichida siz bilan birgalikda kuzatib boramiz.