APL. "Arsenal" burchak zarbalaridan urilgan gollar evaziga "Manchester Yunayted"ni mag'lub qildi

Bahs Toshkent  vaqti bilan 01:15da start oldi.

Arsenal – Manchester Yunayted 2:0

5 dekabr, 01:15 | "Emireyts"

Gol: Timber (54), Saliba (73).

Arsenal – Rayya, Zinchenko (Merino, 71), Kiver, Saliba, Timber, Rays, Parti, Edegor (Jorjino, 89), Martinelli (Trossard, 71), Xavertc, Saka.

Manchester Yunayted – Onana, Mazraui, Maguayr (Yoro, 59), de Ligt, Garnacho (Zirkze, 59), Maunt (Reshford, 59), Malasia (Diallo, 46), Brunu Fernandesh, Ugarte, Diogu Dalot, Xeylund (Antoni, 79).

Ogohlantirish: Malasia (44), Ugarte (45), Maguayr (51), Zinchenko (66).

Arsenal Jurrien Timber - 54', William Saliba - 73'

Premier League . 14-tur 05/12/2024, 01:15 0 : 2 Tugadi

Manchester United

Stadion: Emirates Stadium, 60256 tomoshabin

Bosh hakam: Samuel Barrott

45'

90'

54'  Jurrien Timber

54'  Declan Rice

66'  Oleksandr Zinchenko

71'  Oleksandr Zinchenko (Mikel Merino)

71'  Gabriel Martinelli (Leandro Trossard)

73'  William Saliba

73'  Thomas Partey

90'  Martin Oedegaard (Jorginho)

44'  Tyrell Malacia

45'  Manuel Ugarte

46'  Tyrell Malacia (Amad Diallo)

51'  Harry Maguire

59'  Mason Mount (Marcus Rashford)

59'  Alejandro Garnacho (Joshua Zirkzee)

59'  Harry Maguire (Leny Yoro)

79'  Rasmus Hoejlund (Antony)

Match-senterda ochish

YANGILASH

Uchrashuv yakunlandi! "Arsenal" juda katta ustunlik qilgan o'yinda ishonchli g'alabaga erishdi.

Uchrashuvga 4 daqiqa qo'shildi.

90. Jahongir Fayzullaev tabiri bilan aytganda: "Arsenal" burchak zarbalari "jinni" ekan. Mirjalol Qosimovdan o'rganishibdi". 

89. Trossard Yoroni ikki tomonga yo'naltirib, darvozaga zarba bermoqchi bo'ldi. De Ligt vaziyatga aralashdi va 13-burchak zarbasi amalga oshirilishini maqul deb topdi.

86. RAYYAYAYAYAYAYA!!! MYU standartni amalga oshirishda ayyor yo'l tutdi. Tezkorlik bilan to'p Antoniga oshirildi. Antonining zarbasini David Rayya qiyinchilik bilan qaytardi.

83.  UXXXXXX!! Edegorning zarbasini Mazraui qaytarmaganida hisob yiriklashardi.

81. Bu Leni Yoro deganlari risk qilmas ekan. Yaxshi podkat tashlayapti. Bu orada "Arsenal" 12-burchak zarbasini amalga oshiradi.

79. MYUda "qirol" maydonga tushdi. Antoni o'zining MYU libosidagi ilk golini urgan raqibiga qarshi o'ynaydigan bo'ldi.

77. "Yunayted" "Arsenal"ning burchak zarbalariga umuman reakciya qila olmayapti. Merinoning boshi bilan yo'llagan zarbasi biroz noaniq ketdi.

75. XAVEEEERCCCCC!! Hisob 3:0 bo'lishi mumkin edi. Biroq Kay bu burchak zarbasi emasligini eslab qoldi.

73. GOOOOOOLLLLL!!! KIMDIR GOL URDI!!! Yana burchak zarbasidan keyin hisob o'zgarmoqda!

72. Bir daqiqada ikki jamoaning markaziy himoyachilaridan super harakatlar ko'rdik. Avvaliga Saliba Reshforddan to'pni osonlik bilan olib qo'ydi. Keyin qarshi hujumda Yoro podkati orqali Martinellini to'psizlantirdi.

69. Reshford chap qanotdan darvoza yoniga to'pni uzatdi. Rikoshet hosil qilgan to'p Rayyaning qo'llariga bordi.

67. RAYYAYAYAYAYA!!!! MYU standartdan keyin gol urishi mumkin edi. De Ligtning boshi bilan yo'llagan zarbasini David katta qiyinchilik bilan qaytardi!

66. Zinchenko Dialloni ushlab qolgani uchun sariq kartochka ishlab oldi.

65. Hozirga qadar "qizil iblislar" birorta aniq zarba yo'llay olishmadi.

62. UXXXXXXX!!! "Arsenal" endi burchakdan to'ppa-to'g'ri darvozani ishg'ol qilmoqchi bo'ldi. Zirkze darvozaga kirib ketayotgan to'pni qaytarib yubordi.

61. Umuman olganda bir soat davomida "Arsenal"ning ustunligi sezilib turibdi. MYUni hozircha golga loyiq deya olmaymiz.

60. "Yunayted"da debyutant. Markaziy himoyachi Yoro maydonga tushdi.

58. SAKAAAAAAA!!! ONANAAAAAAA!!! Bukayoning yaqin masofadan yo'llagan kuchli zarbasini Andre ushlab oldi!

56. MYU to'laqonli o'z jarima maydonchasiga qamalgan holatda edi. Ko'ramiz, Amorimning uch o'zgarishi qanchalik foyda keltirarkan.

54. HAAA!! GOOOOOOOOLLLL!!! TIMBEEEERRRR!! Aynan shu burchak zarbasidan keyin hisob ochildi!

53. Yurak sezyaptida, shu burchak zarbasi golga aylanadi.

50. "Arsenal" burchak zarbasiga ega bo'ldi. Uzatilgan to'pni Onana urib yubordi. Ikkinchi tempda hujum davom etdi. Havolatib uzatilgan to'pga borgan Rays offsaydda qolgan ekan.

49. UXXXXXXX!!! Raysning kuchli zarbasi Mauntga tegib, maydonni tark etdi.

48. ZARBAAAAA!! Martinellining zarbasi Maguayrga tegib, Onanaga bordi. Bu ham menimcha aniq zarba deb hisoblanmasa kerak.

47. MYU taymni hujum bilan boshladi. Qanotdan Garnachoning uzatmasiga Xoylund zarba bera olmadi.

46. Ikkinchi bo'lim boshlandi!

- Jamoalar maydonga qaytishga tayyorgarlik ko'rishmoqda. Maydonga Amad Diallo tushdi.

Tanaffus!

45. Deyarli 60 soniya ichida Malasia va Ugarte sariq kartochka ishlab oldi. Ikkala kartochka ham fol yoki qo'pollik uchun emas, ko'p gapirgani uchun.

43. ZARBAAAAAAA!! Dalotning zarbasi biroz noaniq ko'rinish oldi.

41. Qoyil-e! SHu o'yinning borishida MYU to'pni raqibidan ko'ra ko'proq ushlab turgan ekan: 47-53 foiz. Lekin o'yin asosan MYU yarim maydonida bo'lmoqda va mankunianliklar birorta zarba berishganicha yo'q.

40. Martinelli Dalotning qanotidan hujumga o'tdi. Uning "podacha"sini Onana osonlik bilan ushlab oldi.

37. Bu bo'limni yoki ehtiyotkor yoki zerikarli deb atash mumkin. Ikkinchisi haqiqatga yaqinroq bo'lsa kerak.

33. Garnacho bir-ikki fint ishlatib, raqibini aldashga harakat qilgandi, lekin fint Garnachoni aldadi va to'p maydondan tashqariga chiqib ketdi.

31. Saka burchakdan to'pni uzatdi va Onana to'pni ushlab oldi.

29. Sakaning uzatmasidan keyin Maguayr to'pni qo'li bilan o'ynagandek ko'rindi. Katta ehtimol bilan bu vazyaitga penalti qo'yilmaydi.

27. Londonda yomg'ir qattiq yog'moqda. Maunt maydonda toyib yiqildi va o'zi bilan birga Edegorni ham yiqitdi. Fol belgilandi.

25. To'laqonli ustunlik londonliklar tomonida. Burchak zarbasidan "Arsenal" yana samara chiqara olmadi. Martinellining zarbasi biroz noaniq ko'rinish oldi.

22. Sakaning burchakdan uzatmasi juda xavfli ko'rinish oldi. O'ziga kelayotgan to'pni Onana qiyinchilik bilan urib yubordi. To'p yana Sakaning o'ziga bordi. Bu safargi havolatib uzatilgan to'pga Parti boshi bilan zarba berdi. Noaniq.

21. "Arsenal"da yana burchak zarbasi. 

20. Hozircha "Arsenal" biz kutgan tempni ko'rsatmayapti.

19. Brunu hujumdagi Garnacho tomon uzun pas amalga oshirdi. Rayya jarima maydonchasini tashlab chiqdi va to'pni tepib yubordi.

16. O'yin faol tarzda davom etmoqda. Lekin vaziyatlar yaratilmayapti.

13. "Arsenal" hujumga o'tdi. Sakaning faolligidan keyin to'p avvaliga Timberga, keyin Zinchenkoga bordi. Sashaning uzatmasi esa anchagina noaniq ketdi.

11. Hozircha "Yunayted"dan manili hujum ko'rmadik. "Arsenal" himoyalanayotganda "Yunayted" chora topolmayapti.

9. UXXXXXXX!!! "Yunayted"ning omadi keldi. Edegorning burchakdan uzatgan to'pini shundoqqina darvozaning yonida turgan Parti boshi bilan darvozaga kirita olmadi.

8. Dalot to'pni burchakka chiqarib yubordi. "Arsenal" ilk standartga ega bo'ldi. Burchak zarbasi "Arsenal" uchun penaltidek gap.

6. Endi "Arsenal" pozicion himoyada. "Yunayted" kichik paslar orqali raqib jarima maydonchasiga kirishga harakat qilmoqda.

4. GOOOOOOLLL!!! YO'O'O'O'QQ!! Onananing qo'pol xatosidan keyin Martinelli hisobni ochgandi. Biroq offsayd sababli gol inobatga olinmadi.

3. Hozircha to'p mehmonlarga o'tmadi. "Arsenal" to'pni nazorat qilib turibdi.

1. UCHRASHUV BOSHLANDI!

- Jamoalar maydonga chiqib kelishgan. Bahs startiga oz vaqt qolmoqda!

- Hurmatli futbol ishqibozlari! APLda turning markaziy o'yini startiga oz vaqt qolmoqda.