APL: 17-tur prevyusi

CHempionlik Boxing Dayda qo'lga kiritilmas balki, ammo aynan mana shu kunlarda o'sha chempionlikdan mosuvo bo'lib qolish hech gapmas. Ko'p narsa qo'ldan boy berilishi mumkin. “Manchester Siti”ni ng o'z raqiblari, chempionlik baxsidagi raqobatchilari ustidan o'z uyida qozonilgan g'alabalar, mehmondagi, bir qarashda oddiy kechishi kutilayotgan, uch ochkoni boy berib qo'yilmaydigandek tuyulgan baxslardagi muvoffaqiyatsizliklar sabab yo'qqa chiqishi, qilingan mehnatlarni bekor ketishiga olib kelishi mumkin. SHuning uchun ham, “Siti” sardori Vensan Kompani aytgan gaplarga qo'shilmasdan ilojimiz yo'q. “Biz “Etixad”da istalgan raqibni enggishimiz mumkin. Biroq faqat keyingi turda, mehmonda “Fulxem”ni enggibgina, biz barcha raqiblarimizga CHempionlik uchun asosiy davogarlardan ekanimizni ko'rsatib qo'yishimiz mumkin”, degandi o'shanda belgiyalik futbolchi. Haq gap. Ko'ramiz, bu gaplar isbotini amalda ko'rarmikanmiz?

“Siti” to'purari Serxio Aguero jarohati tufayli bu o'yinda ishtirok etmasligini takidlash kerak. Biroq bu “shaxarliklar” uchun ko'p ham muammo to'g'dirmasa kerak. Hozir juda yaxshi sport formasiga chiqib olgan Negredo argentinalik futbolchining yo'qligini bilintirmasa kerak. Bu yoqda Jeko ham o'yin amaliyoti kutib charchagan...

“SA” taxmini: “Fulxem” 40 % - 60 % “Manchester Siti”

“Liverpul”– “Kardiff Siti”

Stiven Jerrard hamda Daniel Starrijning safdan chiqishi ko'pchilik taxmin qilganidek “Liverpul”ga katta tasir o'tkazmadi o'tgan turdagi “Tottenxem”ga qarshi uchrashuvda. Jordan Xenderson londonliklarga qarshi o'zining “Liverpul”dagi eng yaxshi o'yinlaridan birini o'tkazdi, deya qo'rqmasdan aytish mumkin. Kechagina “Bitlz”ga hamshaxar bo'lgan klub bilan yangi shartnoma imzolagan Luis Suares esa yana o'z uslubida! Ikkita golga mualliflik va qolgan barcha gollarga hammualliflik qilgan hujumchini hech qaerga qo'yib yubormagani, yozgi transfer mavsumida “Liverpul” amalga oshirgan eng muvoffaqiyatli ish bo'lgani yana va yana isbotlanishda davom etmoqda. Xullas, Luis va uning sheriklari “Tottenxem” bosh murabbiyi Andre Villash-Boashning ishsiz qolish jarayonini tezlashtirib berishdi.

Bu turda endi “Liverpul” huddi o'sha uslubda “Kardiff”ni enggishi kerak bo'ladi. Birinchidan, klub uchun taqvimning eng qiyin davri yaqinlashib kelyapti. Kelasi turlarda ular “Siti” va “CHelsi”ga qarshi o'yinlar o'tkazishlariga to'g'ri keladi. Bu o'yinlar oldidan ochko yo'qotilishi qimmatga tushishi mumkin. Ikkinchidan esa, bu uchrashuvdagi g'alaba “qizillar”ni hech bo'lmasa dushanba oqshomigacha birinchi o'ringa olib chiqadi.

“SA” taxmini: “Liverpul” 65% - 35% “Kardiff”

“Suonsi Siti”– “Everton”

Evrokuboklardagi ishtiroki “Suonsi” o'yiniga tasir qilyapti. Buni inkor etib bo'lmaydi. Mikael Laudrup jamoasi hali ham chiroyli o'yin namoyish etishda davom etayotgan bo'lsada, jamoaning ijobiy natijalar qayd etishiga buning o'zi etarli bo'lmayapti. “Oqqushlar” etakchilaridan biri, jamoaning eng asosiy yulduzi – Michu, masalan, bu mavsumda “Suonsi” ishtirok etayotgan barcha musobaqalarda umumiy hisobda faqatgina oltita gol urishga muvoffaq bo'ldi xolos.

Uelsliklar va uning muxlislari uchun yaxshi xabar ham yo'q emas. Nihoyat Vilfrid Boni o'yinni to'liq o'tkazishga tayyor.

Bonining to'la sog'ayganligi mavsumni ajoyib o'tkazayotgan “Everton”ga qarshi o'yinda qay darajada yordam berarkin? Kutamiz. Ko'ramiz.

“Sanderlend”– “Norvich Siti”

Gus Poyet boshchiligidagi “Sanderlend” – bu, albatta, Paolo Di Kanio boshchilik qilgan “Sanderlend” emas. “Qora mushuklar” hujumda ancha mazmunli o'yin ko'rsatishni boshlashdi. Bu ko'p jihatdan Kattermolning safga qaytgani bilan ham bog'liq. Lekin bir “lekin”i bor: hali ham natijalar o'sha-o'sha. Yaxshilanib qolmadi.

Buni himoyadagi rasvo o'yin bilan izohlanishi mumkin. Axir “Sanderlend” avtogollar bo'yicha chempionat etakchisi hisoblanadi. Vaziyat yaxshilanishi, jamoa sal bo'lsada o'ziga kelib olishi, botqoqdan chiqishga umid paydo bo'lishi uchun tezroq, shu turdayoq ochko olish shart. “Norvich”ga qarshi kechajak ushbu tur baxsi har neki qilib bo'lsa ham g'alaba qozonish shart bo'lgan o'yinlar toyifasiga kiradi.

“SA” taxmini: “Sanderlend” % 55 – 45 % “Norvich”

“Manchester Yunayted”– “Vest Xem Yunayted”

“Aston Villa” ustidan qozonilgan g'alabadan keyin Moyes har bir g'alabadan keiyn aytishni odat tusiga aylantirgani, “qizil iblislar”ning inqirozdan chiqqani haqidagi gaplarini yana bir bor aytib o'tdi. SHotlandiyalik mutaxassisning fikricha, turnir jadvalida yuqoriroqqa chiqib olish uchun “MYU” raqiblarning har bir muvoffaqiyatsizligidan foydalanib qoladi. Umuman olganda, so'zlarni amal bilan isbotlash vaqti kelib bo'ldi. Tez orada “Yunayted” Londonning “CHelsi”siga qarshi maydonga tushishiga to'g'ri keladi. Ungacha esa “Vest xem” kabi jamoalarni enggib turish kerak. Bu o'yin Moyes va shogirdlari uchun “Old Trafford”gi g'alabasiz seriyaga yakun yasash uchun yaxshi imkoniyat.

“Vest Xem”ning bu mavsumdagi ishlariga esa havach qilib bo'lmaydi. “Katta Sem” jamoasi katta muammolarini hal qilishi kerak. Hujumdagi ishonchsiz harkatlar, maydon markazida o'yinning umuman yo'q ekani va doimiy jarohatlar londonliklarga ochkolar yig'ish, barqaror ravishda gollar urish va so'nggi o'rinlardan ko'tarilib olishga halal beryapti. Hafta o'rtasida “Vest Xem” Liga Kubogi doirasida “Tottenxem” ustidan g'alaba qilib, keiyngi bosqichga yo'l olishni uddalagan bo'lishsada, ularning mehmonda “Yunayted”ni engga olishiga juda oz sonli futbol muxlislari ishonsa kerak. Umuman olganda, “Nyukasl” va “Everton”ga ham ishonganlar ko'p emasdi...

“SA” taxmini: “MYU” 60%- 40% “Vest Xem”

“Arsenal”– “CHelsi”

Va nihoyat turning markaziy uchrashuviga navbat!

Aynan shu o'yin turnir jadvalining eng yuqori qismidagi vaziyatni butunlay o'zgartirib yuborishi mumkin. “Kanonirlar” va “aristokratlar” o'rtasidagi London derbisi dushanbadan seshanbaga o'tar kechasi bo'lib o'tadi.

“Ko'k”larning portugaliyalik murabbiyi Joze Mourino o'z jamoasi futbolchilariga yangi yil munosabati bilan bayram tadbirlari uyushtirishni va tashkillashtiriladigan ziyofatlarga borishni taqiqlab qo'ydi. Bunga javoban “CHelsi”ning ayrim futbolchilari “kanonir”lar tashil etgan ayrim ziyofatlarga tashrif buyurishdi. Bunga Mourino qay tarzda munosabat bildirgani hozircha malum emas. SHunisi aniqki, boshlanajak ish haftasining ilk kunidayoq Mourino shogirdlari butun jamoasi bilan futbol mydonida munosabatlarni oydinlashtirib olish uchun Arsen Venger jamoasi mehmoni bo'ladi. “Arsenal” o'tgan turda “Manchester Siti”ga mag'lub bo'lgan ersa-da, hamon turnir jadvali peshqadami bo'lib turibdi. “CHelsi” esa qiyinchilik bilan “Kristal Pelas”ni mag'lub etdi va bu turda ham g'alaba qozonsa, jadvalda Venger jamoasidan o'zib ketish uchun imkon hosil qildi.

Mourino o'yin oldidan o'z jamoasi butun hafta davomida qattiq ishlaganlari va “Arsenal”ga qarshi o'yinga to'liq tayyor ekanini aytgan bo'lsada, jamoada bir qancha muammolar borki, vaqti kelib, muhim pallada o'z so'zini aytishi va pad berib qo'yishi mumkin. Bu muammolar qatoriga hujumchilarning sermaxsullik ko'rsatkichlari haddat tashqari past ekaniligini, himoya chizig'i azolari ketma-ket jarohatlanishi, Jozening doimiy tarzda jamoaning ayrim futbolchilari bilan janjallashib yurishi kabilarni kiritish mumkin.

Nima bo'lgan taqdirda ham, ushbu o'yin ko'p narsaga oydinlik kiritadi va uni o'tkazib yuborish maslahat berilmaydi.

“SA” taxmini: “Arsenal” 55% - 45% “CHelsi”

17-tur o'yinlari

21 dekabr

17:45   Liverpul - Kardiff Siti

20:00   Kristal Pelas - Nyukasl Yunayted

20:00   Fulxem - Manchester Siti

20:00   Manchester Yunayted - Vest Xem Yunayted

20:00   Stok Siti - Aston Villa

20:00   Sanderlend - Norvich Siti

20:00   Vest Bromvich Albion - Xall Siti

22 dekabr

18:30  Sautgempton - Tottenxem Xotspur

21:00   Suonsi Siti - Everton

24 dekabr

00:00   Arsenal – CHelsi

17-tur oldidan turnir jadvali