Anxel Lopes: "Bizga hujumlarni yakunlashda aniqlik etishmayapti"

O'yin haqida

- Bugun "So'g'diyona" juda yaxshi o'yin namoyish etdi. Ular ko'rsatgan hujumkor futbol evaziga g'alabaga haqli edilar. Men penalti belgilangan vaziyatga tushunmadim, bu VAR bilan maslahatlashib ko'rib chiqiladigan xolat edi nazarimda.

- Jamoangiz yaxshi o'ynab turib yutqazdi. Buni qanday izohlaysiz?

- To'g'ri, jamoamiz ko'rsatgan o'yindan qoniqdim. Garchi natija biz uchun yaxshi bo'lmasa ham, umumiy xulosa qilsak, o'yinimiz yomon emas. Bizga vaziyatlarni yakunlashda aniqlik etishmayapti.

- Davralar oralig'ida qaysi chiziqlarni kuchaytirmoqchisiz?

- Ha, transferlar oynasi vaqtida bizga zarur bo'lgan futbolchilarni tarkibga jalb etamiz. Bizga hujumkor futbol namoyish etadigan futbolchilar zarur. Masalan, hozir Iqbol Malikjonov hujum tashkil etishda faollik namoyish etayapti. Qanotda Abdulaziz Yusupov bor, hujumkor futbolchi. Bizga yakuniy zarbalarda aniqlikka ega bo'lgan futbolchilar zarur.