Anvar Berdiev: "Musobaqaning finaliga etib kelishimizni ko'pchilik kutmagandi"

"To'g'risini aytsam, jamoamizning musobaqaning final bosqichiga qadar etib kelishini ko'pchilik kutmagandi. Fursatdan foydalanib jamoamiz futbolchilariga minnatdorchilik bildiraman, ular maydonda borlarini berib harakat qilishdi. To'g'ri final uchrashuvida yirik hisobda yutqazib qo'ydik, lekin biz bunday fojea yasash niyatimiz yo'q. Musobaqa davomida kamchiliklarimizni ko'rib oldik, albatta bular ustida ishlaymiz. Nasib bo'lsa yangi mavsumda "Istiqlol" o'z o'rniga ega bo'lgan jamoa sifatida namoyon bo'ladi. SHu yo'nalishda ishlashda davom etamiz.

Ushbu turnir jamoamiz mavsumoldi tayyorgarlik doirasida juda zarur edi. Musobaqa davomida bir qator nomdor va kuchli jamoalar bilan o'yin o'tkazish orqali xato va kamchiliklarimizni ko'rib oldik. Bizga eng keraklisi mana shu turnir orqali futbolchilarning o'z-o'zlariga, xususan g'alabaga bo'lgan ishonchlarini shakllantirib oldik. Musobaqani ikkinchi o'rin bilan tugatdik, aytish joiz bo'lsa bu jamoamiz uchun yaxshi natija.

Endilikda 3-4 kun jamoamiz futbolchilariga kichik tatil beramiz, ular har ikki-uch kunda o'yinlar o'tkazishdi, charchoq bo'lishi tabiiy xol. Bu yilgi turnir avvagilaridan ko'ra ancha ko'tarinki ruhda o'tdi, ishtirokchi jamoalarga nazar tashlasangiz ham bu yaqqol ko'zga tashlanib turibdi. Tez orada mashg'ulotlarga kirishib, yangi mavsumda PRO-Ligada ham shu kabi munosib etishga harakat qilamiz" - deydi Anvar Berdiev.

Bekzod Tolibov yozib oldi.