Anvar Berdiev: "Jasur O'rinov uchun xursandman"

"Qiyin uchrashuv o'tkazdik. "SHo'rtan" bilan bu yildagi uchinchi to'qnashuvimiz hisoblanadi. Ular jamoa sifatida yaxshi shakllanib ulgurgan. Oldimizga qo'yilgan vazifani bajardik. Bizni qo'llab-quvvatlab turgan barchaga rahmat aytaman. Futbolchilarim oxirigacha g'alaba uchun kurashdi. Buning samarasini ko'rdik", - deydi murabbiy. 

- Jamoa "Xorazm" bilan safarda suniy maydonda o'ynadi. Yigitlar qiynalganini ko'rdik. Keyingi turni yana shunday maydonda "Aral Samali"ga qarshi o'tkazasizlar. Futbolchilarni tayyorlash qiyin bo'lmayaptimi?

- Bahona bo'lib qolmasin, suniy maydonda futbol o'ynash juda qiyin. CHunki o'zimiz futbol o'ynagan paytlarimizda murabbiylarimiz suniy maydonga olib chiqmas edi. Faqat qishda noqulay havoda shug'ullanganmiz. "Xorazm"ga, "Aral Samali"ga tezroq tabiiy maydonga ega bo'lishini tilab qolaman. O'yindan bir kun oldin boramiz. Ochig'i futbolchilarimni bir necha kun suniy maydonda shug'ullantirib qiyin ahvolga solib qo'ymoqchi emasman. Jarohat olish ehtimoli yuqori bo'ladi bunda. 

- Jasur O'rinovni himoyada o'ynatish rejalashtirilganmidi?

- Bizda 3ta himoyachi o'ynayotgandi. Uni himoyani oldiga qo'ydim. Standart vaziyatlarda bosh bilan yaxshi o'ynaydi. Jasur O'rinov uchun xursandman. 

- Doniyor Ismoilovning qaytishi haqida...

- Tezda qo'shilib ketish qiyin baribir. Uning qaytganidan mamnunman. Safimizga qaytish albatta foydali. 

- Abdug'ani Kamolov va Sardor Abdunabiev jarohatdan qutulib qachon qaytadi?

- Sardor Abdunabiev alohida tartibda mashg'ulotlarga kirishdi. Abdug'ani Kamolov kuni kecha jarrohlik amaliyotini o'tkazdi. Bu futbolchilar ikkinchi davraga to'liq tayyor bo'ladi. 

Aziz Ibragimovning tajribasiga suyanib maydonga tushirdik. Qo'lidan kelgancha harakat qildi. Har qanday holatda o'yinni kuchaytiradi.  G'alaba bo'lganidan keyin barchasi to'g'ri deyiladi. Azizning o'rniga tushgan Jasur O'rinov g'alaba golini urdi.