Antonio Oliveyra: "Raqibga nisbatan biz yaxshiroq o'ynadik"

"Birinchi bo'limda "Nasaf"ga qaraganda yaxshi o'ynadik va raqibga gol urishga umuman imkoniyat bermadik. Lekin ikkinchi bo'limdagi dastlabki 15 daqiqa mezbonlar katta kuch bilan oldinga borishdi va bizni qiynab qo'yib, ikkita gol urishga erishishdi. Keyinchalik biz o'yin tizginini o'z qo'limizga olishda biroz qiynaldik. Ammo uchrashuv so'nggida va umuman olganda, biz raqibga nisbatan yaxshi sifatli o'yin ko'rsatdik deya olaman. SHu o'rinda "Nasaf"ni g'alaba bilan tabriklayman. Osiyo chempionlar ligasi endi boshlandi va hammasi yaxshi bo'lishiga ishonaman. Hakamlar bahsni yaxshi boshqarib borishdi. O'yindagi eng yaxshi jamoa bu - hakamlar bo'lishdi", - deya o'z so'zini boshladi Antonio Oliveyra.

- Murabbiy almashgani jamoa o'yinida qanchalik tasir ko'rsatdi?

- Mag'lubiyatni bu bilan bog'lamagan bo'lardim. Garcha yangi jamoaga kelgan bo'lsamda, jamoa bilan yaxshilab tanishib olganmiz va bir qator o'yinlarni o'tkazishga ham ulgurgandik.

- "Nasaf"ning qaysi futbolchisini alohida takidlagan bo'lardingiz?

- Men raqib o'yiniga emas, balki o'z jamoa haqida qayg'uraman va fikr yuritaman. "Nasaf" yaxshi va kuchli jamoa. Ulardan hech bir futbolchini alohida ko'rsatmoqchi emasman. SHunchaki jamoa yaxshi o'ynadi.

- Ikkinchi bo'limning debyutida qo'yib yuborilgan gollar nima bilan bog'liq?

- Jamoaning biroz etiborsizligi qimmatga tushdi. Futbolda birinchi va ikkinchi taymlardagi dastlabki 15 daqiqa juda muhim sanaladi va shu daqiqalarda qaysi jamoa yaxshi harakat qilsa, aynan o'sha klub g'alaba qozonadi odatda. Statistika shuni ko'rsatadi. Uchrashuvning so'nggi 15 daqiqasida biz katta ustunlik bilan o'ynadik. Biroq o'ylagan maqsadimizga etisha olmadik.