Andrey Miklyaev: "Jamoamiz safiga serbiyalik hujumchi keldi"
29 iyu 2016 00:15
Yangiliklar
![](https://championat.asia/upload/storage/216864_original.jpg)
![](/upload/storage/216864_220.jpg)
Andrey Miklyaev: "Jamoamiz safiga serbiyalik hujumchi keldi"
- Uchrashuvda qayd etilgan natijadan ko'nglim to'ldi. O'zbekiston kubogi doirasidagi o'tgan bahsda "Mashal"ga imkoniyat boy berilgach, ruhiy tomonlama jamoani yana qayta tiklash biroz qiyin bo'ldi. Bugun hech qaysi futbolchiga etiroz yo'q. Bellashuvda tashabbus biz tarafda bo'ldi. O'yin ham muxlislarga manzur keldi, deb o'ylayman.
Agarda ikkinchi golni ertaroq urganimizda qolgani yanada osonroq kecharmidi. SHunga qaramay farqni yana bittaga oshirishga erishdik. umuman olib qaraganda, bahs so'nggiga qadar ignani ustida o'tirdik. Jamoamizning o'yin falsafasi hujumkorlik. Har doim birinchi raqam ostida o'ynashga intilamiz. Har doim ham kutilgan o'yinni namoyish etishni uddasidan chiqmasmiz, bu borada bahoni jurnalistlar va muxlislar berishadi.
Jamoamiz safiga yana bir legioner hujumchi kelib qo'shildi. Ayni paytda serbiyalik futbolchi yurtimizga tashrif buyurgan. Ertaga futbolchi tibbiy ko'rikdan o'tadi. Agarda tibbiy ko'rikdan muvaffaqiyatli o'tsa, qolgan hujjatli ishlarni amalga oshiramiz.
Kamoliddin Tojiev? Bu haqda birinchi marta bugun jurnalistlardan eshitdim. To'g'risini aytaman, bu transfer haqida birinchi marta bugun eshitdim. Men murabbiyman, klubga kimni olib kelishni klub rahbariyati hal etadi va ular bu borada ko'proq malumotga ega. Tojiev haqida men biror narsa deya olmayman.
Islom To'xtaxo'jaevning tibbiy ko'rikdan o'tishi borasida muammolar vujudga keldi. Hozirgi kunda ushbu muammolar bartaraf etilmoqda. Islom To'xtaxo'jaev tez orada yana safga qaytishi kutilmoqda.
O’xshash yangiliklar
![AMP Logo](https://championat.asia/image/logo-amp.png)
Fikrlar