Andrey Fyodorov: "Vadim Abramov "Neftchi"ga keladi? Hech qanday malumotga ega emasman"

 - O'yin yaxshi taassurot qoldirdi. Ikki o'yin natijasiga ko'ra keyingi bosqichga chiqqanimizdan xursandmiz. “Navbahor”ga qarshi har qanday qarama-qarshiliklar doimo murosasiz ruhda kechadi. Bugun ham kubokka xos bahs bo'ldi. Uchrashuvlarni qiyin kechishi sababli, bunday bahslarda gollar soni u qadar ko'p bo'lmaydi. Uydami yoki safardami oson o'yinni o'zi bo'lmaydi. Bugungi uchrashuv muxlislarga yoqqan bo'lishi mumkin. Negaki, so'nggi soniyalargacha keskinlik saqlanib turdi. Navbatdagi bosqichga chiqqanimizdan xursand ekanligimni yana bir bor takidlash bilan bir qatorda jamoamizni tabriklayman. Maqsadimiz, keyingi bosqichga chiqish edi. Tabloda qayd etilgan natija “Neftchi”ni keyingi bosqichga chiqishini taminladi.

- Jamoa legionerlari bugun ko'rinishmadi?
- Legionerlarimizning biri anchadan beri jarohat sababli maydonga tusha olmayapti. Yana bir xorijlik futbolchimiz Komarovskiyga esa dam berishni lozim topdik. U barcha uchrashuvlarda ishtirok etib kelayotganligi sababli charchoq alomatlari ko'zga tashlangandi. SHu sababli bugun ularning xizmatlaridan foydalanmaslikni lozim topdik.

- O'yinga bir necha kun qolganda klub rahbariyatida o'zgarishlar ro'y berdi. Bu futbolchilarga qay tarzda tasir ko'rsatdi?
- Uchrashuv arafasida ro'y bergan o'zgarishlarga etibor qaratmaslik haqida yigitlarga aytib o'tgandik. Vazifalariga professional tarzda yondoshib, maydonga chiqib o'z ishlarini qilishlarini takidlab o'tdik. Ular proffessional ekanliklarini amalda ko'rsatib, oldilariga qo'yilgan vazifani bajarishdi.

- Jamoa boshqaruvini Vadim Abramov qo'lga olishi mumkin ekan. Abramov bugungi uchrashuvni ham bevosita o'yingohda klub rahbariyati bilan tomosha qildi. Bu haqda nima deya olasiz?
- Bosh murabbiyni almashishi mumkinligi haqidagi gap-so'zlar mish-mishdan o'zga narsa emas. Barchasini vaqt ko'rsatadi. Har bir yozilgan malumot ham haqiqat bo'lavermaydi. Vadim Abramovni jamoada boshlashi haqida hech qanday malumotga ega emasman. Hozircha o'z ishimni davom ettiraman. Nima bo'lishini esa vaqt ko'rsatadi.