Andrey Fyodorov: "O'yindan ko'nglim to'ldi"
08 mar 2017 19:18
Yangiliklar
![](https://championat.asia/upload/storage/243823_original.jpg)
![](/upload/storage/243823_220.jpg)
Andrey Fyodorov: "O'yindan ko'nglim to'ldi"
"Paxtakor"ga qarshi o'yinga jiddiy tayyorgarlik ko'rdik. G'uzordagi omadsiz startdan to'g'ri xulosalarni chiqarib galdagi bahsga xozirlandik. Yigitlar ham o'yinning ahamiyatini juda yaxshi bilishgandi. Bahs kutilganidek og'ir va keskin kurashlarga boy o'tdi. Natijani jangovor durang sifatida baholayman. O'yindan ko'nglim to'ldi.
Bugun xavfli vaziyatlar ko'p bo'lmadi. CHunki jamoalarning himoya chizig'i yaxshi o'ynadi. SHu sababli golga tortadigan vaziyatlar kam sodir etildi. O'z navbatida "Neftchi"da o'yin so'nggiga kelib g'alabani ilib ketish uchun vaziyat vujudga keldi. Afsuski, bundan foydala olmadik. Umumiy qilib aytganda, bellashuv oxiriga kelib g'alabaga ancha yaqin kelgandi.
Ikkinchi bo'limda "Neftchi" o'yinni bo'shashtirdi? Yo'q, bunday hisoblamagan bo'lardim. "Paxtakor" to'pni nazorat qilish borasida katta mahorat ega jamoa hisoblanadi. Ikkinchi taymda pressing uyushtirish jarayonida katta kuch yo'qotdik. SHuning uchun tezkor hujumlarning soni kamaydi.
Anchadan beri bugungidek ko'p muxlis kelmagandi. Ishqibozlarga tashrif uchun rahmat deb qolaman. "Paxtakor"dek jiddiy raqibga qarshi o'yinda muxlislarning daldasi bizga juda kerak edi. Endi navbatdagi bahslarga xozirlik ko'rishni boshlaymiz va keyingi o'yinlarda muxlislarni xursand qilishga harakat qilamiz, - dedi Fyodorov.
"Neftchi" matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar