Andrey Fyodorov: Natijadan va o'yinimizdan qoniqdim

- Bugungi bahsda yirik hisobda g'alabaga erishgan bo'lsak-da, o'yin u qadar oson o'tdi, deya olmayman. Zero bugun tarkibda va taktikada ancha o'zgarishlar bilan o'ynadik. Bazi yigitlar bugun umuman o'zlari uchun noodatiy poziciyalarda harakat qilishdi. Lekin shunday bo'lsa ham o'yinimiz ancha qovushdi. Himoyada va hujumda yaxshi o'ynay oldik. O'yinning borishini to'la nazorat qildik va yakunda chiroyli g'alabani qo'lga kiritdik. Yigitlarning o'yinidan ko'nglim to'ldi, - dedi murabbiy.