Andrey Fyodorov: “G'alabaga haqli edik”

O'yindan keyingi matbuot anjumanida mezbonlar ustozi Andrey Fyodorov ishtirok etdi va o'z fikrlari bilan o'rtoqlashdi.

- Ochig'i, o'yinni yaxshi boshladik deb ayta olmayman. Oqibatda penaltidan gol o'tkazib yubordik. Biroq raqibning ushbu goli shogirdlarimni “uyg'ondi” va katta kuch bilan oldinga tashlanishdi. Ochig'i, xozir o'yin haqida batafsil gapirish qiyin. O'yindan kelib chiqib gapiradigan bo'lsam, biz g'alabaga loyiq edi. Agar vaziyatlardan foydalana olganimizda hisob yirik ko'rinish olishi ham mumkin edi. Bahs so'nggida gol o'tkazib, g'alabani boy berish alamlidir. O'yindan qoniqdim. Futbolchilarga rahmat aytaman. Ular maydonda borini berib mehnat qilishdi. So'nggi daqiqada butun jamoa bo'lib himoyaga yotib oldik. Oqibatda jarima maydonchamizda tartibsizlik yuzaga keldi. Bunday holarda kichik xato qimmatga tushadi.

- Hakamlik borasida nima deysiz?
- Hakamlarni muhokama qilishni yoqtirmayman. Biroq bugun ular bizning zararimizga 2 ta shubhali qaror qabul qilishdi. Birinchisi  raqib darvozaboni jarima maydonchasidan chiqib ketdi va havodan kelayotgan to'pni qo'li bilan qaytardi. Ikkinchisi hakam o'yinga 4 daqiqa vaqt qo'shdi. Biroq uchrashuv 5 daqiqa davom etdi. Hakamlar haqida chuqur fikr bildira olmayman. Bu mening ishim emas. Hakamlarning faoliyatini baholaydigan qo'mita bor,- deb fikrlarini yakunladi Fyodorov.  


“Neftchi” matbuot xizmati.