Andrey Fyodorov: "Bunyodkor"ga o'yin bermadik"
03 avg 2016 23:53
Yangiliklar
![](https://championat.asia/upload/storage/217418_original.jpg)
![](/upload/storage/217418_220.jpg)
Andrey Fyodorov: "Bunyodkor"ga o'yin bermadik"
- Birinchi o'rinda barchani g'alaba bilan qutlayman. Muxlislarga esa ajoyib tashrif uchun rahmat aytaman. Birinchi davradagi qoniqarsiz natijalar ortda qoldi deb umid qilaman. Bugun jamoamiz yaxshi o'ynadi. SHu bilan birga muxlislarga yoqadigan o'yin bo'ldi deb o'ylayman. To'g'ri balki o'yinni to'liq nazorat qila olmagandirmiz, lekin tuzgan barcha rejalarimiz amalga oshdi. Eng muhimi natija. Murabbiy sifatida o'yindan qoniqdim.
- Fikringizcha, "Bunyodkor" bugun bo'sh o'yin ko'rsatdimi ?
- Yo'q. Raqib yaxshi o'ynadi. Faqat biz mehmon jamoani o'rganib chiqqandik. Aytish kerakki, "Neftchi" "Bunyodkor"ga imkoniyat qoldirmadi.
- Statistika shuni ko'rsatadiki, Otabek Isroilov hujumchi sifatida kam gol uradi. Biroq grandlarga qarshi o'yinlarda Otabek g'alaba keltiruvchi to'plarga ko'proq egalik qilyapti. Bu borada qanday fikrdasiz ?
- Otabek jiddiy o'yinlarga o'zini ruhiy tomonlama yaxshi tayyorlaydi. Agar u o'zini boshqa o'yinlarga ham bugungi o'yindek tayyorlasa, ko'plab gollar urishi mumkin. Hamma gap shunda.
- Bugun juda ko'p muxlis keldi. Kutganmidingiz ?
- Kutgandim emas balki ishongandim. Ochig'i, Ramazon oyi bo'lgani uchun birinchi davradagi aksariyat o'yinlarimizga muxlislar kela olishmadi. Ishqibozlar tashrifining keskin pasayishi bu bizning o'yinlarimizga bog'lik emas deb o'ylayman. Men "Neftchi" muxlislarini yaxshi bilaman. Ular jamoani yolg'izlatib qo'yishmaydi. G'alaba va mag'lubiyatli onlarida ham futbolchilarni birdek qo'llashadi. Ularga yana bir bor rahmat, - dedi Fyodorov
"Neftchi" matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar