Andrey Baklanov: “Maqsadimiz yarim finalga chiqish edi”

Etiborlisi mazkur uchrashuvda qo'qonliklarning tajribali darvozaboni Andrey Baklanov 4ta penaltini qaytarishga erishdi. Buning natijasida uning jamoasi yarim final yo'llanmasini qo'lga kiritdi. Uchrashuvdan so'ng Baklanov o'yin haqida qisqacha fikrlarini bildirib o'tdi.

- O'yin yaxshi o'tdi. “Bunyodkor” yoshlari ham g'alaba uchun kurashdi. Lekin tajriba borasida “Qo'qon-1912” raqibdan kuchliroq edi. Qolaversa maqsadimiz ham bugun g'alaba qozonib, yarim final yo'llanmasini qo'lga kiritish edi. SHuning uchun bahsga astoydil tayyorgarlik ko'rgandik. To'g'ri, bu kabi turnirlarda natija asosiy o'ringa chiqmaydi. Lekin ishqibozlar bizdan doim g'alaba kutadi.

- Penaltilar seriyasi bu – lotoreya demakdir. Bilasizmi unda ko'pincha menga omad kulib boqadi. 11 metrlik zarbalarini qaytarishning hech qanday siri yo'q. Faqat to'p yo'nalishini oldindan his qilish qobilyati evaziga omadli bo'lishingiz mumkin. Albatta bugun jamoamga foyda keltirganimdan xursandman – deydi Andrey Baklanov.