Andrey Akopyanc: "O'zbekiston klubidan taklif olaman deb o'ylamagandim"

Axborot hamkorimiz "Futbol Ekspress" gazetasi muxbiri Akopyancdan intervyu oldi. Quyida uning eng asosiy qismi bilan tanishib olish mumkin.

- Sizni yana O'zbekistonga qaytishingizni kutmagandik. Buni o'zingiz qanday izohlaysiz?
- Ochig'i, o'zim ham bunday bo'ladi deb o'ylamagandim. "Buxoro" taklifi kutilmaganda yuz berdi. Ular jamoada o'zimni sinab ko'rishimni aytib taklif bilan chiqishdi. Bu taklifdan juda xursand bo'ldim va o'ylab ham o'tirmay rozilik berib vatanimga qaytdim. Qolaversa, O'zbekiston mening vatanim va bu erga hamiga qaytishni xohlardim.

- 2009 yil Samarqandning "Dinamo" klubidan ketgach Rossiyada faoliyat olib bordingiz. Qaysi klublarda o'ynadingiz?
- Rossiyada "Nijniy Novgorod", "Luch Energiya", "Fakel" va "Ximki" klublari sharafini himoya qildim. Bu jamoalarning barchasi Rossiya birinchi divizioni ishtirokchilari edi.

- Bu yil 37 yoshga kirasiz. SHu bois faoliyatingizni yakunlasangiz kerak deb o'ylagandik...
- To'g'ri, ko'pchilik shunday o'ylagandi. Lekin men futboldan charqaganim yo'q va maydonga chiqib yugurishni xohlayman. "Ximki"dan ketgach butsalarimni mixga ilish haqida o'yladim. Biroq "Buxoro"ning taklifi faoliyatimni davom ettirishga turtki bo'ldi.

B.Tursunov suhbatlashdi.