“Andijon” "Oq-tepa" bilan durang o'ynadi

Raqib oliy liga vakili “Andijon” bo'ldi. Xabaringiz bor, jamoamiz bunga qadar bu raqib bilan ikki marta o'ynagan. Uchrashuvlarning birida nursiz durang (0:0) qayd etilgan bo'lsa, yana bir bahsda g'alaba qozongandik – 2:0.

Bugun bo'lib o'tgan bellashuv ham avvalgilari kabi ancha qiziqarli kechdi. Futbolchilar darvozalar oldida bir qator golli vaziyatlarni yaratishdi, ammo xuddi birinchi o'yinda bo'lgani singari bu safar ham darvozalar ishg'ol etilmadi.

Uchrashuvdan so'ng futbolchilarimiz bir kunlik tanaffusga chiqishdi. Mashg'ulotlar 23 fevraldan davom ettiriladi. 24 fevral kuni Qozog'istonning “Maxtaorol” klubiga qarshi navbatdagi nazorat uchrashuvi o'tkaziladi.

Nazorat uchrashuvi
OQ-TEPA – ANDIJON – 0:0
21 fevral. Toshkent. “Oq-tepa” stadioni.
Bosh hakam: SHerzod Qosimov.
“Oq-tepa”: Islom Yoqubov, Farhod Miraahmatov, Jaloliddin Saidov, Muhammad Fayzullaev, Marat Qudratov (Abdujalil Hasanov), Sobir Usmonxo'jaev, Anvar Rahimov (Temur Dadashev), Suhrob Sarimsoqov (Zafarjon Qoraqulov), Sardor Soibov (Nodirbek Teshaboev), Dilmuhammad Xudoyberdiev, Vladislav Pavlovskiy (Maruf Ahmadjonov).
“Andijon”: Gennadiy Moshyanga, Ibrohim Otaxonov, Rahim Qodirov, Asror Rahmonov, Davron Tursunov, Sanjar Asqaraliev, Asqar Jadigerov, Iqbol Akramov, Temur Vasilev, Lochin Soliev.
Zaxiradan tushganlar: Abdumalik Abdullaev, Rustam Azamov, Umrillo Ramazonov, SHukur Jumaboev.