"Andijon" bugun Toshkentda yig'ildi

Andijondagi yig'indan keyin futbolchilarga ikki kunlik dam berilgandi. Bugun tushdan keyin jamoamiz poytaxtga yo'l oldi.

Bu “Andijon”ning mavsumga tayyorgarlik davomidagi uchinchi yig'ini bo'ladi. Andijonda o'tgan ikkinchi yig'inda qatnashgan futbolchilardan Isroil Tursunovga javob berildi. SHuningdek, Farhod Bekmurotov bilan Artur Mamatkazin endi o'rinbosarlar bilan shug'ullanishda davom etishadi. Toshkentdagi yig'in chog'ida tarkibga bir qator yangi o'yinchilar qo'shilishadi. Bundan tashqari legionerlar ham keladi.

Poytaxtda mashg'ulotlar o'tkazish bilan birga andijonliklar nazorat o'yinlarida ham maydonga tushishadi. 25 yanvar kuni “Mashal”, 29 yanvarda “Buxoro” va 1 fevral kuni “Paxtakor” jamoalariga qarshi nazorat uchrashuvlari o'tkazish rejalashtirilgan. Eslatib o'tamiz, “Andijon”dagi Toshkentdagi yig'ini 11 fevralga qadar davom etadi.