"Andijon"ga Meksika terma jamoasi azosi kelib qo'shiladi. U "Everton"da o'ynagan

Tez orada jamoaga meksikalik futbolchi Marko Bueno keladi. 

Bueno Meksikaning "Pachuka" jamoasi tarbiyalanuvchisi hisoblanadi. 2011 yilda futbolchi ijara asosida "Leon" jamoasiga o'tadi. 

2011 yilning yozida Marko "Pachuka" jamoasiga qaytadi va 9-oktyabr sanasida "Xaguraes" jamoasiga qarshi Meksika chempionatida debyut uchrashuvini o'tkazadi. 2012 yilning 15 yanvar sanasida "Puebla" jamoasiga qarshi uchrashuvda Bueno o'zining ilk golini kiritadi va ushbu o'yinda dubl qayd etadi. Ushbu yilda Pablo Buenoga Angliyaning "Manchester Yunayted" jamoasi qiziqib qoladi. 

2014 yilning boshlarida o'yin amaliyoti bo'lishi uchun ijara asosida Bueno "Estudiantes" jamoasiga o'tadi. Futbolchi ushbu jamoada 20 o'yinda maydonga tushib, 5ta gol urishga erishadi. SHundan so'ng futbolchi "Toluka" jamoasiga ijaraga beriladi. 

2016 yilda futbolchi sobiq jamoasi "Leon"ga qaytadi. SHundan so'ng Marko Bueno 3 yil mobaynida "Gvadalarxa", "Monterrey", va CHilining "Everton" jamoalarida ijara asosida to'p surgan. Futbolchining so'nggi jamoasi Finlyandiyaning XIK jamoasi hisoblanadi. 

Marko Bueno Meksika terma jamoasining turli yoshdagi terma jamoalarida to'p tepgan. 2011 yilda Marko Bueno Meksika U17 terma jamoasi bilan birgalikda jahon chempioniga aylangan. 

2015 yilda Marko Bueno Meksika terma jamoasida AQSHga qarshi o'rtoqlik uchrashuvida debyut uchrashuvini o'tkazadi. Ushbu yilda Meksika olimpiya terma jamoasi bilan Kanadada bo'lib o'tgan Panamerika kubogida kumush medallarini qo'lga kiritgan. 

2016 yildagi Rioda bo'lib o'tgan Olimpiada o'yinlarida Meksika terma jamoasi bilan ishtirok etgan.