Andijondagi "Paxtakor" - 79 xotira turniri yakuniga etdi

Musobaqaning so'nggi kunida qo'shni guruhdagi jamoalar o'zaro kuch sinashdilar. Bizda aniq bir g'olib yo'q, barcha g'olib. 8ta jamoaning barchasiga bir xildagi medallar, bir xildagi diplomlar taqdim etildi.

Turnirning so'nggi kunida "Bunyodkor", "Neftchi" va "Navbahor" jamoalari g'alaba qozondilar. Tungi bahsdan o'rin olgan "BFC Asia" va "Neftchi" jamoalari o'rtasidagi o'yinni tomosha qilish uchun juda ko'plab muxlislar tashrif buyurdilar. Aynan shu o'yin turnirning eng zo'r uchrashuvlaridan biri bo'ldi deb aytsak mubolag'a bo'lmaydi.

Unda farg'onaliklar 1:0 hisobida ortda borayotib, 3ta gol urib g'alaba qozonib ketdilar. Ikki jamoa azolari ham muxlislar olqishiga sazovor bo'ldilar.

"Qo'qon-1912" - "Bunyodkor" 3:4

"CHelano" - "BFC Asia- 2"  2:2

"BFC Asia" - 1 - "Neftchi" 1:3

"Navbahor" - "Andijon" 8:0

Turnirning yopilish marosimida, "Andijon" klubining sobiq hujumchisi, Baxtiyor Hamidullaev ishtirok etdi. SHuningdek, Andijon VFF vakillari ham yopilish marosimiga o'zlarining sovg'alari bilan kelishgani bizni quvontirdi. Ulardan tashqari "Futbol Ekspress" gazetasi ham o'zining amaliy hamda moddiy yordamini ayamadi. Buning uchun barchaga rahmat aytamiz. Musobaqani tashkil etishda esa, eng katta ishni "BFC Asia" jamoasi vakillari va homiylari bajarishdi!