"Andijon"da yangi murabbiy ish boshladi
23 apr 2021 11:35
Yangiliklar

"Andijon"da yangi murabbiy ish boshladi

Avval xabar berganimizdek, "Andijon" jamoasi rahbariyati asosiy darvozabon sifatida o'ynab kelgan Nizomiddin Ziyovutdinov bilan amaldagi shartnomani muddatidan avval bekor qildi.

Championat.asia saytiga malum bo'lishicha, endi darvozabonlar murabbiyiga ham javob berib yuborildi. SHu yilning boshida Andijon futbol akademiyasidan taklif etilgan mahalliy yosh murabbiy Azizbek Obabakirovga jamoada uzoq vaqt ishlash nasib etmadi va u ham yaqinda "burgutlar" lagerini tark etdi.

Uning o'rniga esa toshkentlik Aleksandr Kit taklif etildi. Ushbu 36 yoshli mutaxassis oxirgi vaqtlarda faoliyatini qo'shni Tojikistonda davom ettirib kelayotgan edi. Aleksandr Kit ilgari "Andijon"ni Azamat Abduraimov boshqarganida jamoada ishlagandi.

Havola :

Manba : championat.asia

Yangiliklarni Telegramda o'qing!

Reyting: +1