Andijonda "kesakdan olov chiqdi"
19 sen 2021 19:04
Yangiliklar

Andijonda "kesakdan olov chiqdi"

Superliganing 19-turidan o'rin olgan dastlabki o'yin yakunlandi. Unda 2021 yildagi eng etiborga molik natijalardan biri qayd etildi.

"Paxtakor" mavsumdagi ilk mag'lubiyatini qabul qildi

Etiborlisi, bu voqea ko'pchilik uchun kutilmaganda sodir bo'ldi. 19-turga qadar musobaqa jadvalida oxirgi bo'lib turgan "Andijon" peshqadam ustidan zafar quchdi (Farhod Sohibjonovning goli evaziga).

Andijon

Farhod Sohibjonov - 25'

Superliga. 19-tur

19/09/2021, 16:00

Tugadi

Paxtakor

45'

90'

Match-senterda ochish

Malumot uchun, 1-davrada ushbu jamoalar o'rtasida o'tgan bahsda "sherlar" 3 ochkolik bo'lgan, o'sha o'yin taqdirini SHerzod Temirov tomonidan urilgan gol hal qilgandi.

"Nasibullaevdan Nasibullaevgacha" — "SHerlar"ning zafarli seriyasi tugadi

Bunda ham etiborga loyiq jihat bor. "Paxtakor" Superligada 298 kunlik tanaffusdan keyin yana mag'lub bo'ldi (20 o'yindan iborat seriya).

Eng qizig'i, 2020 yilning 25 noyabrida o'tkazilgan "Nasaf" bilan o'yinni ham (3:0, 24-tur) bugungi bahsda ishlagan SHavkat Nasibullaev boshchiligidagi hakamlar brigadasi boshqargan edi.

SHuningdek, bugun "Paxtakor"ning 565 daqiqalik "quruq seriyasi" ham yakunlandi.

5 yil

"Burgutlar"ning Toshkent klubiga qarshi oxirgi g'alabasi shuncha muddat oldin qo'lga kiritilgan edi. Aniqroq aytsak, 2016 yilgi mavsumning 16-turida vodiyga safar qilgan "sherlar" ortga boshlari egik holda qaytishgan. O'sha o'yin taqdirini ham 1 ta gol hal qilgan bo'lib, Dilshod Jo'raev tomonidan penaltidan urilgan edi.

SHundan keyin o'tkazilgan 5 o'yinning barchasi "Paxtakor" foydasiga hal bo'lgandi (to'plar nisbati — 13:1). Malumot uchun, Farhod Sohibjonovga qadar "Andijon"ning "Paxtakor" darvozasiga urilgan oxirgi goliga Ildar Mamatkazin mualliflik qilgan edi (2019 yilning 27 avgustida).

Xullas, 20 o'yindan beri engilmayotgan "sherlar" oxirgi o'rindagi "burgutlar" oldida ojiz qolishdi. Xalqimiz bunday voqealardan keyin shunday deydi: "Kesakdan olov chiqibdi-da".