"Andijon" yig'iniga moldaviyalik to'purar va "So'g'diyona"dan uch futbolchi qo'shildi
08 jan 2020 22:30
Yangiliklar
![](https://championat.asia/upload/storage/538304_original.jpg)
![](/upload/storage/538304_220.jpg)
"Andijon" yig'iniga moldaviyalik to'purar va "So'g'diyona"dan uch futbolchi qo'shildi
Bugun o'quv-yig'in mashg'ulotlariga Moldaviyalik Artyom Litvyakov kelib qo'shildi.
Artyom Litvyakov Moldaviyaning A Divizionida ishtirok etuvchi “Tigina” jamoasi sharafini himoya qildi. Yakuniga etgan mavsumda “Tigina” tarkibida raqiblar darvozasini 30 marotaba aniq nishongan olgan bu hujumchi, mavsum yakuniga ko'ra chempionat to'purari bo'ldi. Uning “Tigina” jamoasi esa turnir jadvalini 4-o'rin bilan yakunladi.
Tanishing, Artyom Litvyakov.
Ampluasi: hujumchi;
Tug'ilgan yili: 23.10.1996 yil
Fuqaroligi: Moldaviya.
Jizzaxning “So'g'diyona” jamoasi azosi Izzat Abdullaev bugundan jamoamizning Yangierdagi o'quv-yig'in mashg'ulotlariga qo'shildi. Yakuniga etgan mavsumda Jizzaxning “So'g'diyona” jamoasi tarkibida o'ynagan Izzat Abdullaev jami bo'lib 12 ta uchrashuvda maydonga tushib, 484 daqiqa harakat qilishga ulgurdi.
Malumot uchun:
Izzat Abdullaev.
Tug'ilgan yili: 16.01.1996 yil.
Ampulasi: Yarim himoyachi.
Fuqaroligi: O'zbekiston.
Yakuniga etgan mavsumni Jizzaxning “So'g'diyona” jamoasida o'tkazgan futbolchi Siroj Meliev “Andijon” jamoasining Yangier shahrida bo'lib o'tayotgan o'quv-yig'in mashg'ulotlariga kelib qo'shildi. Qayd etish kerakki, Siroj Meliev 2017 yilgi chempionatda Muborakning “Mashal” jamoasi tarkibida Aleksandr Xomyakov qo'l ostida to'p surgan. O'tgan yilgi mavsumda Jizzaxning “So'g'diyona” jamoasi tarkibida o'ynagan Siroj Meliev 9 ta uchrashuvda asosiy tarkibda maydonga tushib, jami 512 daqiqa o'ynashga muvaffaq bo'lgan.
Malumot uchun:
Siroj Meliev.
Tug'ilgan yili: 28.09.1995 yil.
Ampluasi: Hujumchi.
Fuqaroligi: O'zbekiston.
SHuningdek, "So'g'diyona" jamoasining yana bir futbolchisi Muhammad Yuldashev ham "Andijon" jamoasi mashg'ulotlariga taklif etildi.
O’xshash yangiliklar
![AMP Logo](https://championat.asia/image/logo-amp.png)
Fikrlar