"Andijon" yangi mavsum uchun tayyorgarlikni boshladi

Futbolchilar avvaliga tibbiy ko'rikdan o'tdi. Kechki payt esa klub qarorgohida bosh murabbiy Aleksandr Xomyakov boshchiligida 2025 yildagi ilk mashg'ulot o'tkazildi.

Jamoamizga taklif etilgan va shartnoma imzolagan Doniyor Abdumannopov, Valijon Rahimov va Oleg Zoteev klub ixtiyoriga qo'shildilar.

SHuningdek, jismoniy tayyorgarlik bo'yicha ruminiyalik mutaxassis Augustin CHirica ham "Andijon"dagi ishini boshladi. 

Selekciya ishlari davom etmoqda va bir qator mahalliy hamda legioner futbolchilar bilan muzokaralar olib borilyapti.

Eslatib o'tamiz, 5 yanvar kuni "Andijon" Tojikistonga jo'nab ketadi va mashg'ulotlar o'sha erda davom ettiriladi.