"Andijon" Tojikiston jamoasini mag'lub etdi

Ushbu klublarning bir oy oldingi uchrashuvida 1:1 hisobi qayd etilgandi. Bu safargi to'qnashuv esa gollarga boy o'tdi. 

Uchrashuv jamoamizning rejasiga asosan boshlandi. Avvaliga Farhod Bekmurotov, so'ngra Ilhom Abdug'aniev bir-biridan chiroyli gollarni raqib darvozasi to'riga joylab qo'ydilar. Lekin tanaffusga yaqin “Esxata” hujumchisi Baxtiyor Zaripov javob golini urdi. 

Ikkinchi bo'limda yana o'sha Zaripov hisobni tenglashtirdi. Uchrashuv o'rtalarida esa mezbonlar hatto hisobda ham oldinga chiqib olishlari mumkin edi. Biroq Abdug'afforov penaltidan foydalana olmadi. 

Uchrashuv oxirlariga yaqin Suhrob Berdiev katta sahnaga chiqdi. U darvozabon bilan deyarli birga-bir vaziyatga chiqdi va u ham chiroyli tarzda “Esxata” darvozasini ishg'ol qilgan holda o'yinga yakuniy nuqtani qo'ydi.

SHu tariqa, qiziqarli va murosasiz tarzda o'tgan uchrashuvda “Andijon” “Esxata”ni mag'lubiyatga uchratdi.   

“Esxata” – “Andijon” – 2:3 (1:2).

12 iyul. Xo'jand. “Spartak” stadioni. 1000 tomoshabin.

Hakamlar: Asliddin Tagoev, Faridun Mahmadiev, Yakubjon Parvizi.

“Esxata”: Mo'minjon Gadoyboev, Xuseyn Nurmatov, Muhammad Rustamov, Oybek Abdug'afforov, Olim Karimov, Abdurahmon Uzoqov, Ibrohim Eshonxonov, Mubinjon Mo'minov, Rustam Saburov, Dilshod Karimov, Baxtiyor Zaripov.

Zaxiradan maydonga tushganlar: Akmal Dadaboev, Bohir Sanginboev, Xoji Abdumannon, Abdurasul Achilov, Mexroj Abdulloev, Xaydarsho Xudoydodov.

“Andijon”: Mohir Komilov, Ildar Mamatkazin, Islom Mamatkazin, Ilhom Alijonov, Abduvohid G'ulomov, Farhod Bekmurotov, Ilhom Abdug'aniev, Muhammadkarim Toirov, Sardor Abdunabiev, Saidumar Sodiqov, Bobur Farhodov.

Ikkinchi bo'limda maydonga tushganlar: Eldor Adhamov, Abdurahmon Komilov, Abdulatif Oybekov, Farhod Sohibjonov, Suhrob Berdiev, Sardor Karimov, Vladimir Bubanya, Abbos Ergashboev, Saidmurod Karimov, Oyatillo Obidjonov, Levan Arveladze.

Gollar: Farhod Bekmurotov, 17 – 0:1. Ilhom Abdug'aniev 30 – 0:2. Baxtiyor Zaripov, 40 – 1:2. Baxtiyor Zaripov, 55 – 2:2. Suhrob Berdiev, 85 – 2:3.

Amalga oshirilmagan penalti: Oybek Abdug'afforov, 66.

Ogohlantirishlar: Baxtiyor Zaripov, 36. Abdurahmon Uzoqov, 42. Farhod Sohibjonov, 61.

“Andijon” matbuot xizmati.