"Andijon" navbatdagi uchrashuvga qizg'in tayyorgarlik ko'rmoqda

Oliy ligaga chiqish uchun kurashayotgan andijonliklar 24-turni ham o'z maydonida o'tkazadi. "Burgutlar"ning bu safargi raqibi Qarshining "Nasaf-2" jamoasi bo'ladi. "Surxon" bilan o'yindan so'ng yigitlarga dam berilmadi. Sababi ertaga navbatdagi o'yin kutib turibdi. SHu bois kecha futbolchilar o'yindan keyingi tiklanish mashg'ulotlarini o'tkazdi. Tayyorgarlik "Sog'lom avlod" stadioni maydonida kechmoqda. Markaziy himoyachi Hamza Karimov qo'lidan olgan jaroxati sababli mashg'ulotlarda ishtirok eta olmayapti. Diskvalifikaciya tufayli o'tgan uchrashuvda maydonga tushmagan Oybek Nurmatov bilan Ibrohim Otaxonov bo'lajak bahsga astoydil hozirlik ko'rmoqda. Eslatib o'tamiz, ertaga "Andijon" - "Nasaf-2" uchrashuvi "Sog'lom avlod" stadionida soat 17:00da boshlanadi. O'yinga kirish chiptalari stadion kassalarida sotilmoqda.



"Andijon" matbuot xizmati.