Andijon FK Toshkentda

Jamoamiz azolari kecha Toshkent shahriga etib keldi va Miracle mehmonxonasiga joylashdi. Bo'lajak uchrashuvga puxta hozirlik ko'rilmoqda. O'yinoldi mashg'ulot kecha Soliqchi stadionida o'tkazildi. Bugun tushlikdan so'ng Olmaliq shahri tomon yo'lga chiqiladi. Azamat Bobojonov jaroxati sabab bugungi uchrashuvni ham o'tkazib yuboradi. Andijon bugun oq rangli libosda xarakat qiladi. Aytish kerakki, jamoamiz shu kunga qadar Olmaliqdan g'alaba bilan qaytmagan.

Nasib qilsa bugun ushbu qora ananaga barham beriladi va muxlislarimizni g'alaba bilan xursand qilamiz degan umiddamiz. Yigitlarning kayfiyati yaxshi. Ular ham uch ochko nihoyatda zarur ekanligini tushunib turibdi. Darvoqe, bugun jamoamiz safida Azamat Isroilov, Javlon Guseynov, Dilshod Jo'raev, Ro'zimboy Ahmedov singari futbolchilar sobiq jamoasiga qarshi bahs olib borishadi. Aksincha Olmaliq tarkibida sobiq futbolchilarimiz, Otabek Valijonov va Mo'ydin Mamazulumov bo'lishi ehtimoli bor.

Eslatib o'tamiz, Olmaliq - Andijon uchrashuvi soat 16:00da boshlanadi.