Andijon bugun Obod bilan o'ynadi

Rahbariyat va murabbiylar shtabi o'zaro maslahatlashgan xolda bu yil asosiy etiborni mahalliy futbolchilarga qaratib, viloyatdagi iqtidorli o'smirlarni tarbiyalash asosiy vazifalardan biri deya belgilab olindi. SHu bois murabbiylar poytaxtdagi yig'in chog'ida ko'proq andijonlik bo'lgan ammo bugungi kunda boshqa jamoalar ixtiyorida bo'lgan futbolchilarni tarkibga jalb etib, ularni ko'rikdan o'tkazmoqda.

Toshkentdagi yig'in chog'ida jamoamiz kun ora sinov-nazorat uchrashuvlarini tashkil etib bormoqda. Maqsad amaliyotni oshirish va jamoaviy o'yinni yanada shakllantirishdir. Kecha Paxtakorga qarshi bahsda andijonliklar 2:1 hisobida g'alaba qozongandi. Bugun ham jamoamiz oliy liganing boshqa bir vakili - Toshkentning Obod jamoasiga qarshi bahs olib bordi. Qiziqarli va murosasiz ruh ostida o'tgan uchrashuvda Andijon raqibiga jiddiy qarshilik ko'rsatdi. Yakunda tajriba biroz ustunlik qilib Obod 3:2 hisobida g'alaba qozondi.  Andijonliklarning gollariga Xusniddinov bilan Abduvohidov mualliflik qildi.

Vitaliy Legay shu kuni boshlang'ich tarkibda quyidagilarni maydonga tushirdi: Barakatillo Isroilov, Dilmurod Mahmudov, Ahror O'ktamov, Mansur Mahsudov, Muhammadyusuf Abdumajidov, Abror Komilov, Kamron Abduhamidov, Xusniddin Xusniddov, G'ayrat Jo'raev, Baxtiyor Qosimov, Abdulaziz Yoqubov.

Zaxiradan maydonga tushganlar: Lochin Dolimov, Akbar Xodjaev, Qahramon Mahamadjonov, Abdurasul Komilov, Ibrohim Otaxonov, Jahongir Maqsudov, Sanjar Asqaraliev, Maqsud Maqsudov, Farhod Bekmuratov, Oybek Nurmatov, Alisher Abduvohidov.

Endi Andijon 17 fevral kuni NBU-Osiyoga qarshi sinov-nazorat uchrashuvini tashkil etadi.