Anchelotti: "Futbol – oddiy o'yin. To'p yumaloq, darvoza qimirlamaydi, maydon ham doim bir xil"

O'yin haqida

"Brayton" yaxshi harakat qildi. Biz ham himoyada sovuqqonlik bilan o'ynadik, qarshi hujumlar ajoyib chiqdi. Barcha jabhalarda ustun kelganimiz uchun g'alabaga loyiq edik.

Endi 15 kunlik tanaffus bo'ladi, keyin bizni fantastik taqvim kutmoqda, eng qiyini – qo'shnilarga qarshi o'yin".

Xames Rodriges haqida

"Boshida aytganimdek, bunday tajribali futbolchilarda moslashish bilan bog'liq muammo bo'lmaydi. Futbol unchalik qiyin emas. Maydon doim bir xil, raqiblar har doim 11 ta, to'p yumaloq, darvoza qimirlamaydi. Futbol – oddiy o'yin, murakkab narsa yo'q".

APLning dastlabki 4 turida Kelvert-Lyuinning 6 goli haqida

"Buning qandaydir sababi yo'q. U o'ziga ishonyapti, o'syapti va gollar uryapti – forvard uchun eng muhimi shu. Bu Dominikning yulduzlik onlari", – dedi italiyalik tajribali mutaxassis.